Post titleវិធីសាស្ត្រ​នៃ​ការថត​សំឡេង​តាមរយៈ​កុំព្យូទ័រ

មេរៀន​នេះ​នឹង​ពន្យល់​ពី​វិធីសាស្ត្រ​នៃ​ការថត​សំឡេង​ពី​ប្រភព​ផ្សេងៗ​ដូចជា : ​ ​

- CD PLAYER ​ ​
- MD PLAYER ​ ​
- MIXER ​
​- CASSETTE PLAYER ​
​- MIC ​
​- និង​ប្រភព​ដទៃ​ឯទៀត​ ​ ​វិធីសាស្ត្រ​ផ្សេងៗ​ដែល​មាន​នៅ​ក្នុង​មេរៀន​នេះ​គឺ​សំដៅ​ចំពោះ​អ្នក​ដែល​ មាន​បំណង​ចង់​ថត​នូវ​អ្វីៗ​ដែល​ខ្លួន​បានធ្វើ ឬ​មាន​រួចហើយ និង​សំរាប់​អ្នក​ចង់​យល់​បន្ថែម​ពី​វិធីសាស្ត្រ​នៃ​ការថត ។​

អ្វី​ដែល​យើង​ត្រូវការ :

- PC Computer (Computer ភាគច្រើន​នាពេល​បច្ចុប្បន្ន​មាន Sound Card ស្រាប់​) ​
​- Sound Card ​ ​- Program សំរាប់​ថត​សំឡេង​ដូចជា Sound Forge, Wave Lab, ឬ​ប្រូ​ក្រាម​ដទៃ​ណាមួយ​សម្រាប់​ឲ្យ​យើង​អាច​ថត​សំឡេង​បាន ។​ ​ ​
- ខ្សែ Cable សំរាប់​ត​ទៅ​កាន់​ឧបករណ៍​នានា​ ​ ​
- ឧបករណ៍​បំពង​សំឡេង (Speaker) ​ ​
- មីក្រូហ្វូន (​មាន​ក៏​បាន មិន​មាន​ក៏​បាន​) ​ ​
- MIXER ​ ​- AVR (Audio Video Receiver)

ត​ភ្ជាប់​ឧបករណ៍​ទាំងអស់​បញ្ចូល​គ្នា​

- មាន​វិធី​ច្រើនយ៉ាង​ណាស់​សំរាប់​ត​ភ្ជាប់​ឧបករណ៍​នានា​មក Computer ប៉ុន្តែ​គោល​ចម្បង​របស់​វា​គឺ ថត​យក​ប្រភព​នៃ​សម្លេង​ពី​ឧបករណ៍​ដែល​យើង​បាន​ត​ភ្ជាប់​មក​កាន់ Computer ។ យើង​ត្រូវ​ដឹងថា​តើ​ខ្សែ Cable ប្រភេទ​ណា​ដែល​យើង​ត្រូវការ​សម្រាប់​កិច្ចការ​នេះ ។​ ​ ​
- ឧបករណ៍​សម្លេង​ស្ទើរតែ​ទាំងអស់​តែងតែ​មាន​រន្ធ​សំរាប់​ដោត ជា​ប្រភេទ RCA រន្ធ​ដោត​នេះ​ត្រូវបាន​គេ​ប្រើ​ជាទូទៅ សំរាប់​ត​ភ្ជាប់​ឧបករណ៍​ទាំងឡាយ​ចូលគ្នា ។ គេ​អាច​សម្គាល់​វា​បាន​តាមរយៈ​ក្បាល​ឌុយ​របស់​វា គឺ​មាន​ប្រភេទ​ញី ឬ​ឈ្មោល (​មើល​រូប​) ។​ ​ ​វា​មាន​ពណ៌​សំគាល់​របស់​វា​គឺ ស​, ក្រហម ឬ​ក្រហម​, ខ្មៅ នៅ​ពី​ខាងក្រោយ​ឧបករណ៍​សំឡេង ឬ​អាច​មាន​នៅ​ខាង​មុខ​ជា​បន្ថែម មាន​រន្ធ​សម្រាប់​ដោត​ឧបករណ៍​ចូល​ឬ​ចេញ​បាន​តាមរយៈ​ក្បាល​ឌុយ RCA នេះ (​មើល​រូប​) ។​ ​

​ទាំង​ក្បាល​ត​, ខ្សែ​សម្រាប់​ត និង​គ្រឿង​ឧបករណ៍​មួយ​ចំនួន​ទៀត​យើង​អាច​រក​ទិញ​បាន​នៅ​តាម​ហាង​ដែល​មាន​លក់ ​គ្រឿង​បំពង​សំឡេង នៅ​ម្តុំ​ខាងលិច​ផ្សារ​ថ្មី នៅក្នុង​ផ្សារ​អូរឫស្សី​ម្តុំ​ខាង​ជ្រុង​ខាងលិច​ឆៀង​ខាងត្បូង នៅ​ម្តុំ​ខាងលិច​ផ្សារ​កណ្តាល​នៅតាម​បណ្តោយ​ផ្លូវ​សុខ​ហុក​(​ផ្លូវ ១០៥) ខាងលិច​ផ្លូវ​មុនី​វង្ស ៘​ ​ ​មុន​ទៅ​ទិញ យើង​ត្រូវ​ឲ្យ​ប្រាកដ​សិន​ថា អ្វី​ដែល​យើង​ត្រូវការ​ជា​ប្រាកដ ឬ​អាច​យក​ឧបករណ៍​របស់​យើង​ទៅឲ្យគេ​មើល​ដើម្បី​ទិញ​ឲ្យបាន​ត្រឹមត្រូវ​តាម​សេ ​ចក្តី​ត្រូវការ ។​ ​ ​ភាគច្រើន​នៃ Sound Card ច្រើន​មាន​រន្ធ​ប្រភេទ​ធុន​តូច (MINI RCA Port) (​សូម​មើលរូប​) ។​ ​ ​សូម​ចំណាំ​ថា ក្បាល​ឌុយ​ពណ៌​សគឺ​សំរាប់​សំឡេង​ចេញ​មក​ខាងឆ្វេង​ដែល​មាន​អក្សរ អិល (L) ជា​សំគាល់ (Left) ឯ​ចំណែក​ពណ៌​ក្រហម​គឺ​សំរាប់​សំឡេង​ចេញ​មក​ខាងស្តាំ​មាន​អក្សរ អរ (R) ជា​សំគាល់ (Right) ​ ​ហេតុនេះ​ពេល​ត​យើង​ត្រូវ​មើល​សិន​ថា​តើ​រន្ធ​ដោត​គូ​ណាមួយ​ជា Output (Line Out, Out, Audio Out etc) ហើយ​គូ​ណាមួយ​ជា Input (Line In, In, Audio In etc)

MIXER : MIXER គឺជា​ឧបករណ៍​មួយបែប​សំរាប់​ត​បញ្ចូល​ប្រភព​នៃ​សំឡេង​ពី​ឧបករណ៍​ទាំងអស់ ដើម្បី​ឲ្យ​យើង​គ្រប់គ្រង​វា​បាន ឯ​ឧបករណ៍​ដែល​យើង​អាច​ត​ភ្ជាប់​មក​កាន់ MIXER គឺ​គ្រប់​យ៉ាង​ទាំងអស់ ។ ជា​ការពិត MIXER គឺជា​ឧបករណ៍​សំខាន់​ណាស់​សំរាប់​អ្នកធ្វើ​កិច្ចការ​ទាក់ទង​ដល់​ការថត​ភ្លេង​ , ចម្រៀង​, ពាណិជ្ជកម្ម​, អ្នក​អត្ថាធិបាយ ៘ ពីព្រោះ​យើង​អាច​ឲ្យ​ប្រភព​នៃ​សំឡេង​ត្រូវបាន​បើក បិទ បញ្ជា​ឲ្យ​ឮ​ខ្លាំង តិច ឬ​រួម​បញ្ចូល​សំឡេង​ច្រើន​បញ្ចូល​គ្នា ដូចជា​វង់​តន្ត្រី​ជាដើម ។​ ​ ​ចំពោះ​វិធី​នៃ​ការប្រើប្រាស់ MIXER វិញ យើង​គួរតែ​មើលសៀវភៅ​ណែនាំ​ដែល​ភ្ជាប់​មក​ជាមួយ​ឧបករណ៍​នេះ ។ នៅ​មេរៀន​ក្រោយៗ យើង​នឹង​លើក​យក​ពី​វិធី​នៃ​ការប្រើ MIXER មក​អធិប្បាយ តែ​សម្រាប់​ពេលនេះ​គឺ​សូម​ពន្យល់​តែ​ពីរ​របៀប​ថត​សំឡេង (Audio) ចូល​មក​កាន់ PC សិន ។​

ត​ខ្សែ​មក Computer :

​ក្នុងករណី​ដែល​យើង​ត្រូវ​ថត​សំឡេង​ពី​ ខាងក្រៅ​ចូលមក PC ដូចនេះ​ក្បាល​សម្រាប់​ត​ត្រូវ​ស៊ក​ចូល​រន្ធ Line In ។ សម្រាប់ Sound Card ប្រភេទ​ខ្លះ​រន្ធ​នេះ​គេ​បានដាក់​ពណ៌​ខ្មៅ​ជា​សំគាល់ ។ សំរាប់​ត​មីក្រូហ្វូន​ចូល​យើង​គួរប្រើ​វា​តាមរយៈ MIXER វិញ ម្យ៉ាងទៀត​រន្ធ​នេះ​មាន​រលកសញ្ញា​សម្លេង​ខ្សោយ ដូចនេះ​សំឡេង​ដែល​ទទួលបាន​អាច​មិនល្អ បញ្ហា​មួយទៀត​នោះ​គឺ Microphone មាន​សំឡេង​ជា​ម៉ូណូ (MONO) មិន​ត្រូវ​តាម​អ្វី​ដែល​យើង​ត្រូវការ​ទេ ។​ ​ ​នៅលើ Sound Card ផ្នែក​ខាងក្រោយ​សំរាប់​ត​ភ្ជាប់​របស់​វា គេ​ប្រើ​ពណ៌​ជា​សំគាល់​ ​
​- ពណ៌​ខៀវ សំរាប់​ត Headphone ​
​- ពណ៌​ក្រហម សំរាប់​ត Microphone ​
​- ពណ៌​បៃតង សំរាប់​ត Speaker ​ ​
- ពណ៌​ខ្មៅ សំរាប់​ត Line input (​ត​ចូល​) ​ ​ហេតុ​នេះ​មុន​ពេល​ត​ភ្ជាប់​អ្វីមួយ​សូម​មើល​ពណ៌​របស់​វា ដើម្បី​សំគាល់ថា​ត្រូវ​ដោត​ចូល​រន្ធ​ណា​ទៅតាម​ពណ៌ ។​

ប្រូ​ក្រាម​សំរាប់​ប្រើ

​បច្ចុប្បន្ននេះ មានប្រូ​ក្រាម​ច្រើន​ណាស់សំ​រាប់ឲ្យ​យើង​ទិញ​យក​មក​ប្រើ​ដើម្បី​ថត​សំឡេង​ បញ្ចូល​ចូល​ក្នុង​កុំព្យូទ័រ​របស់​យើង ។​ ​ ​ប៉ុន្តែ​ក្នុង​ចំណោម​ប្រូ​ក្រាម​ទាំងនោះ គឺមាន​តែប្រូ​ក្រាម Sound Forge មួយ​ប៉ុណ្ណោះ​ដែល​ទទួលបាន​ការនិយម​ច្រើន ពីព្រោះ​វា​មាន​សមត្ថភាព​យ៉ាង​ល្មម​អាច​គ្រប់គ្រាន់​តាម​សេចក្តីត្រូវការ អ្វី​ដែល​មិន​មាន​យើង​អាច​ទិញ Plug in មក​បន្ថែម​ក៏បាន ។ នៅ​ភ្នំពេញ​យើង​អាច​រក​ទិញ​ប្រូ​ក្រាម​នេះ​បាន​តាមរយៈ​ហាង​លក់ CD Computer នានា ។​ ​ ​ប្រូ​ក្រាម​នេះ​មាន​តួនាទី​សំខាន់​ច្រើនយ៉ាង​ណាស់​សំរាប់​យើង មួយវិញទៀត​យើង​អាច​ប្រៀបធៀប​វា​ជា Studio ក៏​ថា​បាន​ដោយហេតុ​ថា វិធីសាស្ត្រ​នៃ​ការ​រចនា​កែកុន​សំឡេង និង​អ្វីៗ​ទៀត​សឹង​អាចធ្វើ​បាន​ជាមួយ​ប្រូ​ក្រាម​នេះ​ទាំងអស់ ។​ ​ ​ហេតុ​នេះ​មុនពេល​ចាប់ផ្តើម​កិច្ចការ សូម​រក​ទិញ​ប្រូ​ក្រាម​នេះ​រួច Install វា​ចូល​ឲ្យ​ហើយ​ជាមុនសិន ។​

វិធីសាស្ត្រ​នៃ​ការថត

ដើម្បី​ឲ្យ​កុំព្យូទ័​រអាច​ថត​នូវ​អ្វី​ដែល​ យើង​ចង់​ឲ្យ​ថត​បាន​ត្រឹមត្រូវ យើង​ត្រូវ​ជ្រើសរើស​ប្រភព​នៃ​សំឡេង​សិន ។ ប្រភព​នៃ​សំឡេង​គឺជា អ្វី​ដែល​យើង​បាន​ត​ភ្ជាប់​ទៅ​វា ។ ជាធម្មតា​ប្រភព​នៃ​សំឡេង​នោះ​ទោះ​ជា​ឧបករណ៍​អ្វី​ក៏ដោយ គឺ​ត្រូវ​ត​ចូល​មក​តាម​រយៈ Line in ទាំងអស់ Line In មាន​ចំនួន ១ ឬ​ច្រើន ប៉ុន្តែ​មាន​តែ​មួយ​គឺ​គ្រប់គ្រាន់​ហើយ ។ ​ ​យើង​អាច​បើក Panel របស់ Sound នេះ​បាន​តាមរយៈ​រូប Icon Speaker នៅ Tray bar ។