Things Happened: វិធីដើម្បីទទួលបានសាច់ដុំពោះ៦ ឫ៨កង់

មាន មនុស្សជាច្រើនខិតខំប្រឹងប្រែងធ្វើលំហាត់ប្រាណដើម្បីទទួលបាន សាច់ដុំពោះ តែពួកគេពុំសូវទទួលបានជោគជ័យឡើយ ។ បើសិនលោកអ្នកជាមនុស្សម្នាក់ក្នុងចំណោមអ្នកទាំងអស់នោះ សូមអាននូវវិធីណែនាំដូចខាងក្រោមនេះ ៖

វិធានការណែនាំ៖

1. កត្តាចំបងក្នុងការទទួលបានសាច់ដុំពោះគឺការតមអាហារ ។ ជាដំបូងអ្នកត្រូវតែគិតដល់អាហារដែលប្រកបដោយសុខភាពល្អគ្រប់ ពេលវេលា នឹងជៀសវាងនូវអាហារព្រមទាំងភេសជ្ជៈមួយចំនួនដែលអាចបង្កឲ្យអ្នក ដុះក្បាលពោះមានដូចជា ៖ អាហារដែលមានជាតិស្ករច្រើន គ្រឿងស្រវឹងផ្សេងៗ និងអាហារដែលមានផ្ទុកជាតិខ្លាញ់ច្រើន ។ល។ ហើយអ្វីដែលសំខាន់ជាងនេះគឺ អ្នកត្រូវចាប់ផ្តើមទទួលទានក្នុងបរិមាណមួយសមល្មម ប៉ុន្តែឲ្យបានច្រើនដងក្នុងមួយថ្ងៃ បើបាន៦ដងជាការប្រសើរ ។ ពីព្រោះការទទួលទានតិចតែច្រើនដងអាចជួយបង្កើនល្បឿនមេតាបូលី ស៊ីមក្នុងការដុតបំផ្លាញកាឡូរី ។ រីឯការទទួលទានច្រើនតែតិចដង (២ឫ៣ដង) អាចបង្កឲ្យមានការរក្សាទុកនូវជាតិខ្លាញ់ក្នុងសារពាង្គកាយរបស់ អ្នក ។ ហើយជាការប្រសើរគួរគប្បីកុំទទួលទានអាហារយប់ពេក ។ ប៉ុន្តែសូមកុំទាន់អាក់អន់ចិត្តប្រសិនបើអ្នកយល់ថាវាពិបាក ខ្លាំងសម្រាប់អ្នក សូមព្យាយាមធ្វើវាបន្តិចម្តងៗរហូតទាល់តែក្លាយទៅជាទម្លាប់ មួយរបស់អ្នក បន្ទាប់មកអ្នកនឺងឃើញថាវាមិនសូវពិបាកនោះទេ ព្រមទាំងមានអារម្មណ៍ថាមានថាមពលខ្លាំងជាងមុនទៀត ។

2. ដើម្បី ឲ្យសាច់ដុំពោះលេចឡើងកាន់តែច្បាស់ ជាដំបូងអ្នកត្រូវតែកម្ចាត់ជាតិខ្លាញ់នូវជុំវិញក្បាលពោះឲ្យអស់ ជាមុនសិន ។ ដូច្នេះអ្នកត្រូវធ្វើCardio (លំហាត់ប្រាណដែលធ្វើឲ្យបេះដូង និងសុខភាពកាន់តែប្រសើរ) ឲ្យបានចំនួន ៤៥ នាទី ហើយពី ៣ ទៅ ៤ ដងក្នុងមួយសប្តាហ៍ ។ ប៉ុន្តែបើអ្នកយល់ថាវាច្រើនពេកសំរាប់អ្នក សូមធ្វើទៅតាមលិទ្ធភាពដែលអ្នកអាចធ្វើទៅបាន ។ ហើយបើអ្នកមានអារម្មណ៍ធុញទ្រាន់ និងលំហាត់ប្រាណ Cardioណាមួយ អ្នកអាចធ្វើលំហាត់ប្រាណ Cardioផ្សេងៗទៀតមានដូចជា ៖ រត់ប្រណាំង លោតអន្ទាក់ និងហែលទឹកជាដើម ។

3. បន្ទាប់មកដើម្បីទទួលបានសាច់ដុំពោះ៦ ឫ៨កង់ អ្នកត្រូវតែធ្វើការហ្វឹកហាត់សាច់ដុំពោះឲ្យបានទៀងទាត់ និងត្រឹមត្រូវតាមបែបបទ ។ ជាទូទៅគេចែកសាច់ដុំពោះជា៣ផ្នែកធំៗគឺ ៖ សាច់ដុំពោះខាងលើ សាច់ដុំពោះខាងក្រោម និងសាច់ដុំពោះបញ្ឆិត (Oblique) ។ លំហាត់ប្រាណសំរាប់សាច់ដុំពោះនីមួយៗគឺ ៖
- លំហាត់ប្រាណសំរាប់សាច់ដុំពោះខាងលើ៖ Crunch, Hands raised crunch, Decline crunch, Weighted decline crunch,Pulse crunch, Dead bugs, Cable crunch ។
- លំហាត់ប្រាណសំរាប់សាច់ដុំពោះខាងក្រោម៖ Negative crunch, Hanging knee raises, Hanging leg raises, Plank ។
- លំហាត់ប្រាណសំរាប់សាច់ដុំពោះបញ្ឆិត៖ Gym ball twisting crunch, Gym ball oblique crunch, Cable rotations, Chinnies, Obliqque crunches, Dumbbell side bends, Knee raised twisting crunch, Side plank ។
អ្នកអាចជ្រើសរើសលំហាត់ប្រាណខ្លះៗក្នុងចំណោមលំហាត់ប្រាណ ទាំងអស់នេះដើម្បីយកមកហាត់ក្នុងពេលមួយ ហើយជាការប្រសើរគួរតែហាត់សាច់ដុំពោះទាំង៣ផ្នែកនេះក្នុងពេលតែ មួយជាមួយគ្នា ។ អ្នកអាចធ្វើលំហាត់ប្រាណនីមួយៗចំនួន (១៥ដង x ៣) ដោយធ្វើការសំរាកប្រហែលមួយនាទីក្នុងSetនីមួយៗ ។ ដែលមានរូបភាពបង្ហាញជូនដូចនៅខាងក្រោម ៖