ស្ត្រីនៃកុលសម្ព័ន្ធការ៉េន
សឹងមានពាក់កងស្ពាន់នៅត្រង់កស្ទើរតែគ្រប់គ្នាតាំងតែពីច្រើនរយឆ្នាំមកហើយ
ទំនៀមនៃការពាក់កងស្ពាន់នៅកនេះមិនដឹងថា មានមូលហេតុរបស់វាយ៉ាងណានោះទេ
ព្រោះហេតុផលពិតរបស់វាបានរលាយបាត់បង់ទៅតាមពេលវេលាអស់ទៅហើយ.....តែអ្វីដែលបន្សល់នៅ
គឺភាពដ៏ចម្លែកនៃប្រពៃណីនេះ និងបានធ្វើឲ្យគេគ្រប់គ្នាភ្ញាក់ផ្អើល និង
ឆ្ងល់ជាប់មិនដាច់រហូតមកដល់សព្វថ្ងៃនេះ ។
ដូចជាស្ត្រីនៃកុលសម្ព័ន្ធមួយចំនួន នៅអាហ្វ្រិកដែរ ជនជាតិការ៉េន
បានចាប់បំពាក់កងនេះនៅត្រង់កឲ្យទៅកូន
ស្រីរបស់ខ្លួនតាំងតែពីពេលនៅជាកុមារភាពម្ល៉េះ
ចំនួនកងត្រូវបានបន្ថែមម្តងមួយៗជារៀងរាល់ឆ្នាំ
ដើម្បីឲ្យករបស់គេលូតវែងជាងធម្មតា និងបានគិតថាការពាក់កង
បែបនេះវាបានជួយបន្ថែមឲ្យគេកាន់តែមានសម្រស់ស្រស់ស្អាតថែមមួយកំរិតទៀតទៅតាម
អ្វីដែលគេជឿស្ថិតក្នុងចំណោមនៃមនុស្សក្នុងកុលសម្ព័ន្ធរបស់គេ ។
ដើម្បីឲ្យករបស់គេលូតវែងជាងធម្មតា និងបានគិតថាការពាក់កង
បែបនេះវាបានជួយបន្ថែមឲ្យគេកាន់តែមានសម្រស់ស្រស់ស្អាតថែមមួយកំរិតទៀតទៅតាម
អ្វីដែលគេជឿស្ថិតក្នុងចំណោមនៃមនុស្សក្នុងកុលសម្ព័ន្ធរបស់គេ ។
តាមរយៈនៃការពាក់កងនៅត្រង់កនេះអាចធ្វើឲ្យស្រី្តជនជាតិការ៉េនពន្លូតករបស់គេបានចំនួនប្រហែល
៤០ សង់ទីម៉ែត្រតែក្នុងនេះវា ក៏មានបច្ច័យអាក្រក់របស់វាដែរ
ព្រោះស្ត្រីទាំងចាស់ទាំងក្មេងដែលពាក់កងកនេះត្រូវព្យាយាមរក្សាលំនឹងក្បាលគ្រប់ពេលវេលាទាំងអស់
ព្រោះបើមិនដូច្នោះទេ វាអាចធ្វើឲ្យកនោះបាក់បានយ៉ាងងាយបំផុត ។
បើគេសង្កេតទៅលើសកម្មភាពរបស់ស្ត្រីជនជាតិការ៉េនរិញ
យើងឃើញពួកគេហាក់ដូចជាប្រយ័ត្នប្រយែង ណាស់ទាំងការដើរ ឬ
ធ្វើការងារផ្សេងៗសូម្បីតែពេលឱនចុះ ក៏គេឱនចុះទាំងខ្លួនដែរ
ព្រោះពួកគេមិនអាចបត់កឲ្យងាកចុះមកក្រោមដូចមនុស្សធម្មតាបានឡើយ ។
ជារៀងរាល់ពេលគេមុជទឹកពួកគេយកស្មៅ
មកកួតត្រដុះកងនោះដើម្បីរក្សាភាពរលោងភ្លឺរបស់វាឲ្យមើលទៅឃើញស្អាតភ្លឺជានិច្ច
។ រាល់ពេលដែលស្ត្រីទាំងអស់ធ្វើដំណើរ គេដើរយឺតៗ
និងប្រយ័ត្នខ្លាំងណាស់ក្រៅពីនេះទៀតពួកគេមិនដែលហ៊ានទូលអ្វីនៅពីលើក្បាលឡើយ
។
កងពាក់ត្រង់កនេះមិនអាចដោះចេញបានឡើយព្រោះសាច់ដុំក និង
សរសៃធំត្រង់កនេះមិនអាចទ្រទ្រង់ទម្ងន់ក្បាលបាន
ឯឆ្អឹងត្រង់កនោះទៀតសោតក៏លែងរឹងមាំ កាលណាពួកគេពាក់កងនេះហើយ
គឺមិនអាចដោះចេញបានទេ រហូតដល់ចាស់ស្លាប់ គឺត្រូវតែពាក់វាជារៀងរហូត ។