មានមនុស្សជាច្រើនធ្លាប់បានឮបានដឹងពីកប៉ាល់ Titanic
តាមរយៈភាពយន្ដដែលយកតាមលំនាំរឿងដើមខ្លះ ដែលបានកើតឡើង ។
នៅគ្រានោះវាត្រូវបានគេចាត់ទុកថា ជាកប៉ាល់ដ៏ធំសម្បើមមួយ
ជាកប៉ាល់ដែលធំជាងគេក្នុងលោក សម្រាប់ដឹកអ្នកដំណើរ ហើយត្រូវបានគេចាត់ទុកថា
ជាកប៉ាល់ដែលមិនអាចលិចបានឡើយ តែទីបំផុតកប៉ាល់ដ៏ធំសម្បើម
និងត្រូវបានចាត់ទុកថា មិនអាចលិចបាននោះ
បែរជាលិចបង្កទៅជាមហន្ដរាយស្លាប់មនុស្សអស់១៥១៧នាក់យ៉ាងគួរឱ្យសោកស្ដាយទៅវិញ
បន្ទាប់ពីវាបានបុកជាមួយដុំទឹកកកដំធំមួយនៅឆ្នាំ១៩១២ ។
ប្រវែងបណ្ដោយរបស់កប៉ាល់ទីតានិក នោះគឺ ២៦៩.១ ម៉ែត្រ និងមានទទឹងប្រវែង ២៨ម៉ែត្រ ជាមួយសំណង់របស់វា ដែលមានកំពស់រហូតដល់ ១៨ម៉ែត្រពីផ្ទៃទឹក និងមានទម្ងន់៤៦៣២៨តោន អាចផ្ទុកមនុស្សបានចំនួន ១១៧៨ នាក់ ។
តាមការពិតកប៉ាល់នេះបាន កសាងកេរ្ដិ៍ឈ្មោះរបស់វាឱ្យក្លាយទៅជាកប៉ាល់ធំបំផុតក្នុងលោកនាពេលនោះដោយខ្លួនឯង ។ រហូតមកទល់ពេលនេះក្ដីអ្នកខ្លះ នៅតែមានជំនឿថា មានតែទីតានិកប៉ុណ្ណោះ ដែលធំជាងគេ ទោះបីជារហូតមកដល់ពេលនេះក្ដី តែតាមការពិតទៅ វាមិនឥចឹងទេ ព្រោះធំពេលនោះមែន តែវាមិនធំជាងអ្វីដែលមាននៅពេលនេះឡើយ ។
ប្រវែងបណ្ដោយរបស់កប៉ាល់ទីតានិក នោះគឺ ២៦៩.១ ម៉ែត្រ និងមានទទឹងប្រវែង ២៨ម៉ែត្រ ជាមួយសំណង់របស់វា ដែលមានកំពស់រហូតដល់ ១៨ម៉ែត្រពីផ្ទៃទឹក និងមានទម្ងន់៤៦៣២៨តោន អាចផ្ទុកមនុស្សបានចំនួន ១១៧៨ នាក់ ។
តាមការពិតកប៉ាល់នេះបាន កសាងកេរ្ដិ៍ឈ្មោះរបស់វាឱ្យក្លាយទៅជាកប៉ាល់ធំបំផុតក្នុងលោកនាពេលនោះដោយខ្លួនឯង ។ រហូតមកទល់ពេលនេះក្ដីអ្នកខ្លះ នៅតែមានជំនឿថា មានតែទីតានិកប៉ុណ្ណោះ ដែលធំជាងគេ ទោះបីជារហូតមកដល់ពេលនេះក្ដី តែតាមការពិតទៅ វាមិនឥចឹងទេ ព្រោះធំពេលនោះមែន តែវាមិនធំជាងអ្វីដែលមាននៅពេលនេះឡើយ ។
រហូតមកទល់ពេលសព្វថ្ងៃនេះកប៉ាល់ដែលធំជាងនោះ
ត្រូវបានគេបង្កើតឡើងកាលពីឆ្នាំ ១៩៧៩ កប៉ាល់នោះ មានឈ្មោះថា Knock Nevis
វាត្រូវបានគេបង្កើតឡើងដើម្បីដឹកទំនិញនានា
ដោយមានបំពាក់ឧបករណ៍សម្រាប់លើកដាក់និងសម្រាប់ជញ្ជូនចេញនៅពេលវាទៅដល់គោលដៅ
។
កប៉ាល់នេះគឺជាកប៉ាល់មួយដែលធំបំផុតដែរនៅពេលនោះ
រហូតគេបានឱ្យឈ្មោះផ្សេងទៀតថា Seawise Giant, Happy Giant or the Jahre Viking
។ ព្រោះវាមានបណ្ដោយរហូតដល់ ៤៥៨ ម៉ែត្រ ទទឹងប្រវែង ៦៨ម៉ែត្រ
និងមានទម្ងន់រហូតដល់ ៦៤៦៦៤២ តោន ។ បើយើងបានឃើញផ្ទាល់វិញ
គឺវាធំសម្បើមណាស់ ។
តែវាមិនអាចបើកទៅណាបានដោយសារវាធំពេក
និងផ្លូវទឹកសម្រាប់ឱ្យវាចេញពីកន្លែងសំចតនោះក៏តូច
ជាហេតុធ្វើឱ្យមានការពិបាក សម្រាប់ឱ្យវាចូលចតនិងបើកចេញពីផែរបស់វា ។
ការចេញដំណើររបស់កប៉ាល់នេះនៅគ្រាចុងក្រោយគេគឺនៅក្នុងឆ្នាំ ២០០៩
បន្ទាប់ពីនោះ វាត្រូវបានគេរុះរើចោល ក្លាយទៅជាដែកអេតចាយ រលាយបាត់រូបទៅ ។
កប៉ាល់មួយទៀត ដែលមានរូបរាងយ៉ាងធំសម្បើមណាស់ដែរ នោះគឺ Queen Mary ព្រោះ
វាមានបណ្ដោយរហូតដល់ ៣៤៥ម៉ែត្រ មានកំពស់ខ្ពស់ជាង Eiffel Tower របស់
ប្រទេសបារាំង និងវែងជាងកប៉ាល់ទីតានិករហូតដល់១០០ម៉ែត្រឯណោះ
កប៉ាល់នេះត្រូវបានគេចាត់ទុកថាជាកប៉ាល់ដែលវែងជាងគេទីបី
ឯចំណែកកប៉ាល់ដែលជាប់ជាអ្នកទីបួននោះគឺ Berge Stahl បណ្ដោយ ៣៤២ ម៉ែត្រ និង
USS Enterprise បណ្ដោយ ៣៤១ ម៉ែត្រ ។
ទោះបីកប៉ាល់ទាំងនេះ
ត្រូវបានគេចាត់ទុកថាជាកប៉ាល់ដែលធំជាងគេក្នុងលោកក្ដី តែយោងតាមគម្រោងមួយ
លើកឡើងដោយលោក Norman Nixon កាលពីឆ្នាំ ១៩៩០ គាត់បានព្រាងគំរូកប៉ាល់យក្សមួយ
ដែលមានបណ្ដោយរហូតដល់ ១៣១៧ម៉ែត្រ អាចផ្ទុកអ្នករស់នៅ (អ្នកដំណើរ) បានចំនួន
៥០០០០នាក់នៅលើកប៉ាល់នេះ នឹងមានសណ្ឋាគារ កាស៊ីណូ សាលារៀន កន្លែងកំសាន្ដ
និងមានអ្វីច្រើនទៀត បើនិយាយឱ្យចំទៅ វាគឺជាសហគមន៍បណ្ដែតទឹកមួយ
ដែលអាចឱ្យអ្នកដំណើររស់នៅទីនោះបាន បីដូចជាទីក្រុងរណបមួយដូច្នោះដែរ ។
វាជាគំនិតមួយដែលស្ថិតនៅលើក្រដាសនៅឡើយ រហូតមកទល់ពេលនេះក្ដី
គាត់នៅមិនទាន់រកបានអ្នកដាក់ទុនកសាងកប៉ាល់នេះនៅឡើយទេ
ព្រោះដើម្បីកសាងកប៉ាល់ដ៏ធំសម្បើមបែបនេះគេត្រូវការប្រាក់យ៉ាងច្រើនសម្បើមណាស់
ហើយកត្ដាសំខាន់ជាងគេនោះគឺ
តើវាត្រូវដំណើរការរកលុយត្រឡប់វិញដោយវិធីណាទៅ ផែណា កន្លែងណា
ដែលអាចឱ្យវាចូលសំចតឬបោះទីតាំងឈប់សំចតបាន ។
ព្រោះដើម្បីកសាងកប៉ាល់ដ៏ធំសម្បើមបែបនេះគេត្រូវការប្រាក់យ៉ាងច្រើនសម្បើមណាស់
ហើយកត្ដាសំខាន់ជាងគេនោះគឺ
តើវាត្រូវដំណើរការរកលុយត្រឡប់វិញដោយវិធីណាទៅ ផែណា កន្លែងណា
ដែលអាចឱ្យវាចូលសំចតឬបោះទីតាំងឈប់សំចតបាន ។
មកទល់ពេលនេះកប៉ាល់ដែលធំជាងគេបំផុតនោះ គឺ Emma Maersk វាមានបណ្ដោយ
៣៩៧ម៉ែត្រ ទោះមើលទៅវាតូចជាង Nevis
បន្ដិចក្ដីតែវានៅរក្សាបានចំណាត់ថ្នាក់ថា ជាកប៉ាល់ដែលធំជាងគេនៅក្នុងលោក
៕