គូស្នេហ៍វ័យចំណាស់
ដូចដែលយើងបានដឹងស្រាប់ហើយថា មនុស្សចាស់ភាគច្រើន មិនសូវជាចងចាំបានល្អទេ ហើយពេលខ្លះវង្វេងវង្វាន់ថែមទៀតផង។ ទោះជាយ៉ាងណាក្ដី ការរកឃើញរបស់ក្រុមអ្នកវិទ្យាសាស្រ្ដនេះ ហាក់ដូចជាពិបាកផងដែរសម្រាប់អនុវត្តតាម ព្រោះថាចាស់ៗនៅស្រុកយើងដែលមានវ័យជាង ៧០ទៅហើយនោះ គឺគាត់លែងគិតរឿងរួមភេទស្អីទៀតហើយ។
លោកសាស្រ្ដចារ្យ Peter Kropp និងលោកវេជ្ជបណ្ឌិត Britta Muller បានធ្វើការសម្ភាសន៍ទៅលើមនុស្សចំនួន ១៧០នាក់ ដែលមានអាយុ ៦៣ឆ្នាំ ដល់ ៧៥ឆ្នាំកាលពីឆ្នាំ២០១១កន្លងទៅ។ ការសម្ភាសន៍នេះ គឺសួរទាក់ទងនឹងសកម្មភាពប្រចាំថ្ងៃ រួមទាំងជីវិតសិច។ ក្រុមអ្នកចូលរួមទាំងអស់ ក៏ត្រូវបានគេធ្វើពិសោធន៍ពីភាពចងចាំផងដែរ។
ជាលទ្ធផល មនុស្សចាស់ដែលឆ្លើយថាពួកគាត់នៅតែបន្តរួមភេទ គឺមានសុខភាពខួរក្បាលល្អជាងអ្នកដែលឈប់រួមភេទ ពោលគឺនៅមានការចងចាំបានល្អប្រសើរ។
លោកវេជ្ជបណ្ឌិត Peter Kropp បានបញ្ជាក់បន្ថែមថា លទ្ធផលនេះ គឺពិតជាការបង្ហាញឲ្យឃើញយ៉ាងច្បាស់ថា ការរួមភេទនៅវ័យចំណាស់ គឺពិតជាអាចធ្វើឲ្យមនុស្សចាស់នៅរឹងមាំ ជាពិសេសគឺការចងចាំតែម្ដង។