ភេសជ្ជៈដែលមានជាតិស្ករ
លោកបណ្ឌិតរូបនេះ បានបញ្ជាក់ទៀតថា លទ្ធផលនៃការស្រាវជ្រាវនេះ គឺជាភស្ដុតាងថ្មីដ៏រឹងមាំមួយ ដែលបង្ហាញថា ការញ៉ាំភេសជ្ជៈដែលមានជាតិផ្អែម គឺស្មើនឹងការបង្កើនហានីភ័យនៃការវិវឌ្ឍទៅរកជំងឺបេះដូងដូច្នេះ ដែរ ទោះបីជាញ៉ាំក្នុងកម្រិតសមល្មមក៏ដោយ។
ដើម្បីចេញជាលទ្ធផលនៃ ក្រុមរបស់លោក Hu បានធ្វើការសិក្សាលើបុរសចំនួន ៤៣ពាន់នាក់ ដែលមានអាយុ ពី ៤០ឆ្នាំ ដល់ ៧៥ឆ្នាំ ពីឆ្នាំ ១៩៨៦ ដល់ឆ្នាំ ២០០៨។
យ៉ាងណាមិញ ក្រុមអ្នកស្រាវជ្រាវនេះ មិនបានបង្ហាញពីមូលហេតុដែលភេសជ្ជៈជាតិស្ករ បង្កើនកម្រិតហានីភ័យនៃការកើតជំងឺបេះដូងនោះទេ ដោយចេញជាលទ្ធផលដោយផ្អែកលើការវិភាគលើចម្លើយរបស់ក្រុមអ្នកចូល រួមប៉ុណ្ណោះ។
ឆ្លើយតបចំពោះការរកឃើញនេះ សមាគមភេសជ្ជៈរបស់អាមេរិក បានជំទាស់ថា ស្ករមិនមែនជាមូលហេតុចម្បងនោះទេ អ្វីដែលចម្បងគឺរបៀបនៃការរស់នៅរបស់មនុស្ស។
ទោះបីជាមិនបានបញ្ជាក់ហេតុផលយ៉ាងណាក៏ដោយ ប៉ុន្ដែការស្រាវជ្រាវនេះ អាចទុកចិត្តបាន ដោយសារតែមានការចំណាយពេលយូរ ពោលគឺរយៈពេលដល់ទៅ ២២ឆ្នាំ លើចំនួនអ្នកចូលរួមដ៏ច្រើន។
