 |
| ស្រា |
ក្រុមអ្នកស្រាវជ្រាវដែលមកពីសាកលវិទ្យាល័យ East Anglia និង King’s College London ក្នុងចក្រភពអង់គ្លេស បានជឿជាក់ថា សារធាតុ Polyphenols ដែលជាជាតិគីមីម្យ៉ាង និងជាសារធាតុប្រឆាំងអុកស៊ីតកម្ម ដែលត្រូវបានគេរកឃើញនៅក្នុងសម្បកផ្លែទំពាំងបាយជូរ អាចមានប្រយោជន៍ចំពោះឆ្អឹង។ ការលើកឡើងនេះ គឺស្របគ្នាទៅនឹងការសិក្សាកាលពីមុន ដែលបានរកឃើញថា ផ្លែទំពាំងបាយជូរ អាចជួយជម្រុញអត្រាផលិតកម្មនៃឆ្អឹង។
ទោះបីជាផ្លែទំពាំងបាយជូរដែលគេយកទៅធ្វើជាស្រា ពិតជាមានប្រយោជន៍សម្រាប់ឆ្អឹងបែបនេះក៏ដោយ ប៉ុន្ដែផ្លែទំពាំងបាយជូរក្រហមដែល គឺមានប្រសិទ្ធភាពខ្ពស់ជាងផ្លែទំពាំងបាយជូរពណ៌ស ដោយសារតែវាត្រូវបានគេយកទាំងសម្បកក្នុងដំណើរការនៃការផលិត ស្រា ខណៈដែលទំពាំងបាយជូរស គេយកតែសាច់ប៉ុណ្ណោះ។
ចូរកត់សម្គាល់ផងដែរថា មានតែស្រាប៉ុណ្ណោះដែលមានប្រយោជន៍ចំពោះឆ្អឹង ចំណែកឯស្រាបៀ ឬគ្រឿងស្រវឹងដទៃទៀត មិនមាននោះទេ។