ការញ៉ាំទឹកដោះគោ
ក្រុមអ្នកវិទ្យាសាស្រ្ដបានធ្វើការសាកសួរអ្នកចូលរួមដែលមានទាំង បុរស និងស្រ្ដីចំនួន ៩៧២នាក់ ដែលមានអាយុចាប់ពី ២៣ ដល់៩៨ឆ្នាំ ទាក់ទងនឹងរបបអាហារ ជាពិសេសគឺសួរទាក់ទងនឹងការញ៉ាំទឹកដោះគោ បូករួមទាំងទឹកដោះគោលាយជាមួយតែ ឬកាហ្វេផងដែរ។ បន្ទាប់មកពួកគេ ត្រូវបានដាក់ឲ្យធ្វើតេស្ដន៍សមត្ថភាពខួរក្បាល។
ជាលទ្ធផលបានបង្ហាញថា មនុស្សពេញវ័យដែលញ៉ាំទឹកដោះគោយ៉ាងហោចណាស់ ៥ ទៅ៦ កែវក្នុងមួយសប្ដាហ៍ មានសមត្ថភាពចងចាំបានល្អ ជាងអ្នកដែលកម្រនឹងញ៉ាំទឹកដោះ។ ជាមួយនឹងលទ្ធផលនេះ យើងអាចញ៉ាំទឹកដោះគោ ឲ្យបានមួយថ្ងៃតែមួយកែវ គឺពិតជាប្រសើរសម្រាប់ខួរក្បាលរបស់យើង ដែលកំពុងថយចុះសមត្ថភាពទៅតាមអាយុដែលចេះតែកើនឡើងរបស់យើង។
ការសិក្សាស្រាវជ្រាវនេះធ្វើឡើងដោយក្រុមអ្នកស្រាវជ្រាវមកពី សាកលវិទ្យាល័យ Maine នៃសហរដ្ឋអាមេរិក ហើយលទ្ធផលនៃការរកឃើញ ត្រូវបានបោះពុម្ភផ្សានៅក្នុងព្រឹតប័ត្រ International Dairy Journal។