ញ៉ាំតិចជំនួយខួរក្បាល
ដំណឹងថ្មីនេះ គឺបានមកពីលទ្ធផលនៃការសិក្សារបស់ក្រុមអ្នកស្រាវជ្រាវអ៊ីតាលី។ ក្រុមអ្នកស្រាវជ្រាវនេះ បានបង្ហាញថា ការកាត់បន្ថយកាឡូរី គឺអាចជួយជម្រុញសុខភាពបានយ៉ាងច្រើន ប៉ុន្ដែនៅក្នុងការសិក្សានេះគឺផ្ដោតទៅលើខួរក្បាលតែមួយមុខ ប៉ុណ្ណោះ។
ក្រុមដដែលនេះ ក៏បានបង្ហាញទៀតថា ការកាត់បន្ថយកាឡូរី អាចជម្រុញឲ្យមានការបង្កើនចំនួនប្រូតេអ៊ីនដែលផលិតក្នុងខួរក្បាល។ បន្ថែមឲ្យការកាត់បន្ថយការញ៉ាំអាហារដើម្បីបន្ថយកាឡូរីនេះ ការសិក្សាក៏បានរកឃើញថា កាហ្វេ ឬទឹកតែ ក៏អាចមានប្រយោជន៍ផងដែរ។
ដូចដែលប្រិយមិត្តបានដឹងរួចមកហើយថា សុខភាពខួរក្បាលគឺពិតជាសំខាន់ណាស់សម្រាប់មនុស្សម្នាក់ៗ។ ទិន្នន័យចុងក្រោយបានបង្ហាញថា ចំនួនអ្នកកើតជំងឺរវើរវាយ ឬជំងឺផ្សេងទៀតទាក់ទងនឹងខួរក្បាល បានកើនឡើងគួរឲ្យកត់សម្គាល់ក្នុងរយៈពេលចុងក្រោយនេះ ដូច្នេះចាំបាច់ត្រូវថែទាំខួរក្បាលរបស់អ្នក ដើម្បីជៀសឲ្យផុតពីជំងឺផ្សេងៗពេលឈានដល់វ័យចំណាស់។ វិធីថែទាំខួរក្បាល គឺនៅមានច្រើនទៀត ប៉ុន្ដែពេលនេះ អ្នកត្រូវកាត់បន្ថយចំនួនកាឡូរីក្នុងខ្លួន ពោលគឺកាត់បន្ថយការញ៉ាំអាហារច្រើនជ្រុល។