តើ
របៀបនៃការគេង
អាចមានផលប៉ះពាល់ដល់អារម្មណ៍របស់មនុស្សដែរឬអត់?
ភាគច្រើនប្រាកដជាឆ្លើយថា គ្មានអ្វីប៉ះពាល់នោះទេ
ប៉ុន្ដែបើតាមលទ្ធផលនៃការស្រាវជ្រាវថ្មីមួយបានបង្ហាញថា
ពិតជាមានការប៉ះពាល់។ការស្រាវជ្រាវដែលធ្វើឡើងចំពោះមនុស្សពេញវ័យ ៣០០០នាក់ បានរកឃើញថា មនុស្សដែលគេងផ្នែកខាងឆ្វេង (គេងដាក់ក្បាលផ្នែកខាងឆ្វេងជាប់នឹងគ្រែ) គឺមានអកប្បកិរិយាវិជ្ជមាន មានអារម្មណ៍សប្បាយ និងមានសមត្ថភាពធ្វើការងារធ្ងន់ៗជាងមនុស្សដែលគេងនៅផ្នែកខាង ស្ដាំ។
លទ្ធផលនៃការស្រាវជ្រាវដ៏ធំនេះបានបង្ហាញថា ជិត២៥ភាគរយនៃអ្នកដែលគេងនៅផ្នែកខាងឆ្វេង គឺបានឆ្លើយថាពួកគេមានអារម្មណ៍វិជ្ជមានច្រើនក្នុងជីវិត ខណៈដែលអ្នកគេងផ្នែកខាងស្ដាំមានតែ១៨ភាគរយប៉ុណ្ណោះ។
បន្ថែមលើនេះទៀត ២ភាគ៣នៃអ្នកគេងផ្នែកខាងឆ្វេង គឺត្រូវបានរកឃើញថា មានការអត់ធ្មត់ខ្ពស់ក្នុងស្ថានការណ៍អាសន្នណាមួយ។ មិនត្រឹមតែប៉ុណ្ណោះទេ ក្រុមអ្នកស្រាវជ្រាវបាននិយាយទៀតថា អ្នកគេងខាងឆ្វេង គឺជាមនុស្សមានទំនុកចិត្តលើខ្លួនឯងខ្ពស់ និងមានការងារជាអចិន្រ្ដៃយ៍ទៀតផង។
យ៉ាងណាមិញ ក្រុមអ្នកស្រាវជ្រាវក៏បានបញ្ជាក់ដែរថា លទ្ធផលនេះមិនមែនមានន័យថា អ្នកគេងផ្នែកខាងស្ដាំគឺសុទ្ធតែមិនល្អនោះទេ ពោលគឺមានចំណុចល្អដូចគ្នា។ អ្នកគេងនៅផ្នែកខាងស្ដាំ ភាគច្រើនត្រូវបានគេសង្កេតឃើញថា មានការរកប្រាក់ចំណូលបានច្រើនជាងអ្នកគេងនៅផ្នែកខាងស្ដាំ ទោះបីជាអារម្មណ៍ពេលភ្ញាក់ពីដំណេកមិនសូវជាជ្រះថ្លាក៏ដោយ។
ចំពោះប្រិយមិត្តវិញ ចូលចិត្តគេងផ្នែកខាងណាដែរ ឬមួយបែរចុះបែរឡើងគ្រប់ពេលដឹងខ្លួន?