តែខ្មៅ
លោកវេជ្ជបណ្ឌិត Sanjay Preasad ដែលជាអ្នកជំនាញខាងជំងឺបេះដូង និងជំងឺស្រ្ដូក បានថ្លែងថា មានភស្ដុតាងជាច្រើនដែលបានមកពីការសិក្សាស្រាវជ្រាវ ដែលអាចបញ្ជាក់ថា ការញ៉ាំទឹកតែពណ៌ខ្មៅ គឺពិតជាមានទំនាក់ទំនងជាមួយនឹងការថយចុះនៃជំងឺទាក់ទងនឹងបេះ ដូង។
ដើម្បីចេញជាលទ្ធផលបែបនេះ ក្រុមអ្នកស្រាវជ្រាវបានធ្វើការត្រួតពិនិត្យឡើងវិញនូវលទ្ធផលនៃ ការស្រាវជ្រាវចំនួន ៤០ផ្សេងគ្នា។ ជាលទ្ធផលបានបង្ហាញថា ទឹកតែខ្មៅ មិនត្រឹមតែល្អសម្រាប់សុខភាពទូទៅប្រចាំថ្ងៃនោះទេ ប៉ុន្ដែថែមទាំងអាចការពារជំងឺបេះដូងបានទៀតផង។
ក្រុមអ្នកស្រាវជ្រាវដដែលបានបង្ហាញថា មនុស្សដែលញ៉ាំតែបីពែង ដល់៦ពែងក្នុងមួយថ្ងៃ អាចកាត់បន្ថយហានីភ័យនៃជំងឺបេះដូងបានពី ៣០ ទៅ៥៧ភាគរយ បើប្រៀបធៀបជាមួយនឹងអ្នកញ៉ាំតិចជាងនេះ ឬក៏មិនញ៉ាំសោះ។
អ្នកដឹកនាំការស្រាវជ្រាវនេះ គឺលោកវេជ្ជបណ្ឌិត Carrie Ruxton បានអះអាងថា ក្រៅពីកាត់បន្ថយជំងឺបេះដូង ទឹកតែខ្មៅក៏អាចកាត់បន្ថយជំងឺទឹកនោមផ្អែមប្រភេទពីរផងដែរ។
ចាំដល់ណាទៀត សាកងាកមកទទួលទានតែដ៏ឈ្ងុយឆ្ងាញ់ ចាប់ពីឥលូវនេះដើម្បីសុខភាពល្អរបស់យើងរាល់គ្នា!