មាន
មនុស្សច្រើននាក់ណាស់ដែលធ្លាប់ភ្លក់រសជាតិអាករៈរមួលក្រពើ
ព្រោះវាមានអាការធ្វើអោយឈឺចុកចាប់បំផុត។
មូលហេតុនៃអាការបែបនេះ
គឺបណ្តាលមកពីចរន្តឈាមរត់រអាក់រអួលកើតឡើងក្រោយពេលឈរយូរ
ឬអង្គុយយូរ។ ក៏ប៉ុន្តែមិនថ្វីនោះទេ
ពេលនេះយើងណែនាំពីវិធីជួយសង្រ្គោះបែបភ្លាមៗដូចខាងក្រោមនេះ៖១-រមួលនៅត្រង់កំភួនជើងៈ នៅពេលកើតមានអាការរមួលនៅត្រង់នេះ ណែនាំអោយព្យាយាមសណ្តូកជើងដែលកំពុងរមួលនោះអោយត្រង់។ បន្ទាប់មកប្រើដៃម្ខាងទ្រនៅត្រង់កែងជើង រីឯដៃម្ខាងទៀតសន្សឹមៗរុញចុងជើងឡើងចុះៗប្រមាណជា៥នាទី ទើបងាកមកច្របាច់នៅត្រង់កំភួនជើងថើៗហាមប្រើកម្លាំងដៃធ្ងន់ ព្រោះអាចបង្កអោយសាច់ដុំរងរបួសបាន។
២-រមួលនៅត្រង់ភ្លៅ៖ អាការបែបនេះក៏ណែនាំអោយសណ្តូកជើងដែលរមួលចេញ ទៅមុខអោយអស់ដូចគ្នានិងអាការរមួលកំភួនជើងដែរ។ បន្ទាប់មកប្រើបាតដៃម្ខាងទ្រកែងជើង រីឯដៃម្ខាងទៀតសន្សឺមៗសង្កត់ត្រង់ក្បាលជង្គង់អោយចុះទៅក្រោម រួចហើយឈ្លីនៅត្រង់បរិវេណគល់ភ្លៅ ដែលកំពុងរមួលដោយថ្នមៗ ហាមប្រើដៃធ្ងន់ដូចគ្នា។
៣-រមួលនៅត្រង់ម្រាមជើង៖ អ្នកអាចដោះស្រាយបានដោយព្យាយាមលាត ម្រាមជើងអោយត្រង់រួចហើយប្រឹងក្រោកឈរដើរដើម្បីជួយអោយសាច់ដុំ ឆាប់រលា ទើបជាចុងក្រោយប្រើម្រាមដៃជួយឈ្លីស្រាលៗនៅត្រង់ម្រាមជើង។
៤-រមួលនៅត្រង់កដៃ៖ នៅពេលកើតមានអាការបែបនេះណែនាំអោយព្យាយាម លាម្រាមដៃចេញអោយអស់ ដើម្បីអោយសាច់ដុះ និងសរសៃធំរលាចេញពីគ្នា បន្ទាប់មកទើបសន្សឺមៗឈ្លីនៅលើម្រាមដៃម្តងមួយៗតាមក្រោយ។
ខាងក្រោមនេះ គឺជាវិធីការពាររមួលក្រពើ ដែលលោកអ្នកគួរតែដឹង ជាពិសេសសម្រាប់ អ្នកលេងកីឡា ដើម្បីបញ្ចៀសបញ្ហារមួលក្រពើ ៖
១ -- ការហាត់ប្រាណឲបានទៀងទាត់ វានឹងធ្វើឲសាច់ដុំ និង រាងកាយរឹងមាំ។
២ - ទទួលទានអាហារមានប៉ូតាស្យូមខ្ពស់ ដូចជា ចេក ក្រូច ទឹកដោះគោជូរសណ្តែក និង បន្លែស្លឹកបៃតង។
៣ ត្រូវដេកសម្រាក និង ផឹកទឹកឲបានគ្រប់គ្រាន់។
៤ - មុននឹងហាត់ប្រាណ ត្រូវកម្តៅសាច់ដុំ (Warm Up) សិន។
៥ - បើហាត់ប្រាណខ្លាំង ត្រូវផឹកទឹក និង អំបិលរ៉ែជំនួសវិញឲបានគ្រប់គ្រាន់ ។
៦ - នៅពេលរមួលក្រពើត្រូវពន្យឺតសាច់ដុំទុកចោល ១-២នាទី ធ្វើដូច្នេះវាអាចជួយកាត់ បន្ថយអាការឈឺចាប់បាន។
៧ - ក្រោយពីកើតរមួលក្រពើ ត្រូវច្របាច់សាច់ដុំ ព្រោះការច្របាច់ម៉ាស្សាវាអាចជួយ កាត់បន្ថយរមួលក្រពើបាន។ក្រៅពីនេះសុភាពបុរសសុភាព នារីដែលធ្វើការច្រើនរហូតទាល់ តែចុករួយស្រពន់ឬអង្គុយបត់ដៃយូរៗវាក៏អាចធ្វើឲ្យកើតរមួលក្រពើបានដែរព្រោះឈាមមិន អាចធ្វើចលនាហូរវិលទៅចិញ្ចឹមដៃជើងបានស្រួល។ ដូច្នេះប្រសិនបើអ្នកអង្គុយធ្វើការបាន មួយសន្ទុះ ចូរកុំភ្លេចក្រោកឡើងពន្យឺតសរសៃសសូងខ្លះផង ៕