 |
| សាច់ក្រហម |
ការសិក្សាដដែលនេះ បានរកឃើញទៀតថា ការកាត់បន្ថយបរិមាណនៃសាច់ក្រហមក្នុងអាហារ ឲ្យបាន ១៥អោន (៤២ក្រាម) ក្នុងមួយថ្ងៃ នឹងអាចជួយការពារបានស្ទើតែ ១ ក្នុងចំណោម បុរស១០នាក់ដែលស្លាប់ និងមួយក្នុងចំណោមស្រ្ដី ១៣នាក់។
លោកវេជ្ជបណ្ឌិត Frank Hu ដែលជាសហដឹកនាំការស្រាវជ្រាវនេះ បានថ្លែងថា នេះជាការផ្ដល់នូវភស្ដុតាងថ្មី សម្រាប់ឲ្យមនុស្សកាត់បន្ថយសាច់ក្រហម ដោយសារតែវាជាប់ទាក់ទងទៅនឹងការបង្កជាជំងឺគ្រោះថ្នាក់ផ្សេងៗ ដែលនិយាយឲ្យចំ គឺធ្វើឲ្យមនុស្សស្លាប់មុនអាយុ។ សរុបមកវិញ គឺយើងគួរតែញ៉ាំសាច់ក្រហមក្នុងឱកាសណាមួយ មិនមែនជាប្រចាំនោះទេ។
ការជំនួសសាច់ក្រហម ដោយត្រី និងបន្លែ គឺពិតជាល្អបំផុត ដែលវាអាចកាត់បន្ថយកម្រិតគ្រោះថ្នាក់នៃការស្លាប់បានដល់ទៅ ១ភាគ៥។
ដើម្បីចេញជាលទ្ធផលនៃ ក្រុមអ្នកស្រាវជ្រាវបានធ្វើការសិក្សាទៅលើមនុស្សជាង ១០ម៉ឺននាក់ ក្នុងរយៈពេលប្រហែល ២៨ឆ្នាំ ដោយសួរពួកគេពីរបបអាហារប្រចាំថ្ងៃ។
ជាលទ្ធផលបានបង្ហាញយ៉ាងច្បាស់ថា អ្នកដែលញ៉ាំសាច់ក្រហមច្រើន (៨៥ក្រាមក្នុងមួយថ្ងៃ) បានកើនកម្រិតហានិភ័យនៃការស្លាប់ដោយសារជំងឺបេះដូងដល់ទៅ ១៨ភាគរយ និងបង្កើនហានិភ័យនៃការស្លាប់ដោយសារមហារីក ១០ភាគរយ។