ស្រាបៀ
ស្រាបៀមានផ្ទុកទោដោយកម្រិតជាតិ Silicon ខ្ពស់ ដែលមានប្រយោជន៍ចំពោះឆ្អឹង។ ការស្រាវជ្រាវកាលពីឆ្នាំ២០០៩ បានបង្ហាញថា បុរស ឬស្រ្ដីដែលទទួលទានស្រាបៀ ១ទៅ២កែវជារៀងរាល់ថ្ងៃ មានឆ្អឹងរឹងមាំ។ ប៉ុន្ដែគួរដឹងផងដែរថា បើផឹកលើសពីនេះ (លើស២កែវ) ជារៀងរាល់ថ្ងៃ នោះវានឹងធ្វើឲ្យឆ្អឹងអ្នកចុះខ្សោយវិញ។
២- ជំនួយបេះដូង
ការសិក្សារបស់អ៊ីតាលីក្នុងឆ្នាំ ២០១១ ដែលធ្វើឡើងចំពោះមនុស្ស២០ម៉ឺននាក់ បានបង្ហាញថា ការផឹកស្រាបៀក្នុងកម្រិតសមល្មម អាចកាត់បន្ថយហានីភ័យនៃជំងឺបេះដូងបាន ៣១ភាគរយ។ បន្ថែមលើនេះ ការសិក្សាជាង១០០ផ្សេងទៀត ក៏បានរកឃើញស្រដៀងគ្នានេះដែរ ពោលគឺពិសាសា្របៀ អាចកាត់បន្ថយគ្រោះថ្នាក់នៃជំងឺបេះដូង បានពី ២៥ទៅ ៤០ភាគរយ។
៣- ជួយឲ្យក្រលៀនមានសុខភាពល្អ
ការស្រាវជ្រាវរបស់ហ្វាំងឡង់ បានរកឃើញថា ការផឹកស្រាបៀក្នុងកម្រិតតិចល្មមជារៀងរាល់ថ្ងៃ នឹងកាត់បន្ថយហានីភ័យនៃការវិវឌ្ឍទៅរកជំងឺក្រលៀនបានដល់ទៅ ៤០ភាគរយ។
៤- ការពារជំងឺទាក់ទងនឹងខួរក្បាល
ស្រាបៀមួយកែវក្នុងមួយថ្ងៃ នឹងអាចជួយលោកអ្នកឲ្យជៀសផុតពីជំងឺវង្វេងរង្វាន់ រវើរវាយនៅពេលចាស់ទៅ។ ការអះអាងនេះ គឺយោងតាមលទ្ធផលនៃការស្រាវជ្រាវមួយកាលពីឆ្នាំ ២០០៥ ។
៥- កាត់បន្ថយហានីភ័យនៃជំងឺមហារីក
ការស្រាវជ្រាវរបស់ព័រទុយហ្កាល់ បានរកឃើញថា ស្រាបៀមានផ្ទុកសារធាតុប្រឆាំងនឹងអុកស៊ីតកម្ម បូករួមនឹងសារធាតុសំខាន់មួយចំនួនទៀត ដែលអាចជួយកាត់បន្ថយរោគមហារីកបានមួយចំនួន។
៦- បង្កើនកម្រិតវីតាមីន
ការសិក្សារបស់ក្រុមអ្នកស្រាវជ្រាវជនជាតិហុល្លង់ បានបង្ហាញថា អ្នកទទួលស្រាបៀ មានកម្រិតវីតាមីន B6 ក្នុងឈាម ខ្ពស់ជាងអ្នកមិនផឹកសោះ ចំនួន៣០ភាគរយ។ ក្រៅពីវីតាមីន B6 ស្រាបៀក៏មានផ្ទុកនូវវីតាមីន B12 និងអាស៊ីត Folic ផងដែរ។
៧- ការពារប្រឆាំងនឹងជំងឺស្រ្ដូក
ក្រុមអ្នកស្រាវជ្រាវប្រចាំសាកលវិទ្យាល័យ Harvard School of Public Health បានរកឃើញថា ការញ៉ាំស្រាបៀក្នុងកម្រិតតិចល្មម អាចការពារការស្ទះសរសៃឈាម និងធ្វើឲ្យឈាមរត់ទៅកាន់បេះដូង ក និងខួរក្បាលបានល្អ ដែលអាចកាត់បន្ថយហានីភ័យនៃជំងឺស្រ្ដូកបានយ៉ាងប្រសើរ។
៨- កាត់បន្ថយជំងឺទឹកនោមផ្អែម
ហានីភ័យនៃការកើតជំងឺទឹកនោមផ្អែម ក៏ត្រូវបានកាត់បន្ថយផងដែរ ដោយសារស្រាបៀ បើយោងតាមការស្រាវជ្រាវរបស់ Harvard នាឆ្នាំ២០១១។ ការស្រាវជ្រាវនេះបានបង្ហាញថា អ្នកដែលទទួលទានស្រាបៀ ពី១ ទៅ២កែវ ប្រចាំថ្ងៃ អាចកាត់បន្ថយកម្រិតគ្រោះថ្នាក់នៃជំងឺទឹកនោមផ្អែមប្រភេទ២ បានចំនួន ២៥ភាគរយ។
៩- កាត់បន្ថយកម្រិតឈាមដែលឡើងខ្ពស់
ការស្រាវជ្រាវរបស់សាកលវិទ្យាល័យ Harvard ដែលធ្វើឡើងចំពោះមនុស្ស ៧ម៉ឺននាក់ បានរកឃើញថា អ្នកដែលផឹកស្រាបៀក្នុងកម្រិតសមល្មម អាចកាត់បន្ថយការវិវឌ្ឍទៅរកការលើសឈាមបាន។ សម្ពាធឈាមដែលឡើងខ្ពស់ គឺជាកត្តាហានីភ័យចម្បងបំផុត ដែលឈានទៅដល់ការគាំងបេះដូ។
១០- ធ្វើឲ្យមានអាយុវែង
ការស្រាវជ្រាវដែលធ្វើឡើងដោយក្រសួងកសិកម្មរបស់អាមេរិក កាលពីឆ្នាំ ២០០៥ បានចេញជាលទ្ធផលថា អ្នកទទួលទានស្រាបៀក្នុងកម្រិតសមល្មម គឺនឹងជួយឲ្យមានអាយុវែង។ មូលហេតុដែលធ្វើឲ្យមានអាយុវែង គឺជាប់ទាក់ទងនឹងចំណុចខាងលើផងដែរ ពោលគឺស្រាបៀអាចកាត់បន្ថយជំងឺគ្រោះថ្នាក់ជាច្រើន ដូចជា ជំងឺបេះដូង ស្រ្ដូក និងទឹកនោមផ្អែម។
សរុបមកវិញ ប្រិយមិត្តប្រាកដជាភ្ញាក់ផ្អើលជាមិនខានពេលឃើញពីអត្ថប្រយោនជ៍ នៃការទទួលទានស្រាបៀដូចខាងលើនេះ។ ទោះបីជាយ៉ាងណាក្ដី រាល់ចំណុចទាំងឡាយដែលក្រុមអ្នកស្រាវជ្រាវរកឃើញគឺ ទទួលទានក្នុងកម្រិតតិចល្មម (១ទៅ២កែវក្នុងមួយថ្ងៃ) មិនមែនទទួលទានរហូតស្រវឹងបាត់បង់ស្មារតីនោះទេ។