វិធីសាស្រ្ដនេះប្រហែលជាចម្លែក ប៉ុន្ដែស្រួលបំផុតក្នុងការអនុវត្តន៍។ ប្រសិនបើអ្នកជាអ្នកប្រើដៃស្ដាំ ចូរប្ដូរមកប្រើដៃឆ្វេងជាបណ្ដោះអាសន្នសិន នៅពេលដែលកំហុសរបស់អ្នកផ្ទុះឡើយ ដូចជា ប្រសិនបើអ្នកទម្លាប់កាន់ mouse កុំព្យូទ័រដៃស្ដាំ ឬកូរកាហ្វេដៃស្ដាំ ចូរប្ដូរមកប្រើដៃឆ្វេងវិញ។ ដូចគ្នានេះដែរ ប្រសិនបើអ្នកជាអ្នកប្រើដៃឆ្វេង ចូរប្ដូរមកធ្វើសកម្មភាពផ្សេងៗដោយប្រើដៃស្ដាំវិញ។
ហេតុអ្វីការប្រើដៃផ្ទុយពីធម្មតាអាចកាត់បន្ថយកំហឹងដែលកំពុងពុះកញ្ជ្រោល?
លោកវេជ្ជបណ្ឌិ Thomas Denson មកពីសាកលវិទ្យាល័យ New South Wales បានបញ្ជាក់ថា នេះគឺជាវិធីគ្រប់គ្រងខ្លួនឯងយ៉ាងមានប្រសិទ្ធភាព។ ប្រសិនបើអាចអនុវត្តវិធីនេះ បានពីរសប្ដាហ៍ នោះវានឹងក្លាយជាទម្លាប់ បានន័យថា នៅពេលអ្នកច្រឡំប្រើដៃធម្មតា នោះអារម្មណ៍របស់អ្នកនឹងតបមកអ្នកវិញថា ត្រូវប្រើដៃឆ្វេង។
និយាយជារួម វិធីនេះ គឺធ្វើឡើងដើម្បីរៀនគ្រប់គ្រងខ្លួនឯង ពោលគឺមិនមែនសម្រាប់តែអ្នកចង់ទប់ស្កាត់កំហឹងតែមួយមុខនោះទេ។
នេះជាលទ្ធផលនៃការស្រាវជ្រាវរបស់ក្រុមអ្នកជំនាញ ដូច្នេះបើចង់ដឹងវាបានផលមែនឬក៏មិនមែននោះ មានតែការសាកល្បងដោយខ្លួនឯងប៉ុណ្ណោះ ទើបដឹងលទ្ធផល។ កុំភ្លេចសាកល្បងណា នៅពេលដែលអ្នកមានអារម្មណ៍ក្រេវក្រោធនឹងរឿងអ្វីមួយ ហើយបើបានផល ជួយប្រាប់ខ្មែរសារិកាវិញផង!