កុមារធាត់ដែលកើតជំងឺហឺត
ក្រោយពីបានជ្រើសរើសយកកុមារអាយុពី១ឆ្នាំ ដល់៨ឆ្នាំ ចំនួន២០០០នាក់រួចមក ក្រុមអ្នកស្រាវជ្រាវទាំងនោះបានពិនិត្យមើលលើកម្រិតនៃ BMI របស់ពួកគេម្នាក់ៗ។
បន្ទាប់ពីធ្វើការវិភាគរួចមក លទ្ធផលបានបង្ហាញថា កុមារដែលលើសទម្ងន់ ពោលគឺមាន BMI ខ្ពស់ រហូតដល់អាយុ៧ឆ្នាំ គឺមានការកើនឡើងហានីភ័យដល់ទ្វេរដងនៃការកើតជំងឺហឺត ព្រមទាំងជំងឺទាក់ទងនឹងអាលែកហ្ស៊ីផ្សេងៗទៀតជាច្រើន បើធៀបជាមួយកុមារដែលមានទម្ងន់ធម្មតា។
លោក Magnusson ដែលជាអ្នកដឹកនាំការស្រាវជ្រាវនេះ ក៏បានបញ្ជាក់ដែរថា កំឡុងពេលបួនឆ្នាំដំបូងរបស់កុមារ គឺមិនមានការកើនឡើងកម្រិតគ្រោះថ្នាក់នៃជំងឺហឺតនោះទេទោះបីជាធាត់ លើសទម្ងន់ក៏ដោយ។
ប្រសិនបើអ្នកបានដឹងថាកុមារមានកើតជំងឺហឺត ចូរធ្វើយ៉ាងណានាំកុមារទៅព្យាបាលឲ្យបានលឿនបំផុត ព្រោះថាការព្យាបាលទាន់ពេលវេលា នឹងធ្វើឲ្យកុមារជៀសផុតពីគ្រោះថ្នាក់។ ត្រូវចងចាំផងដែរថា ចូរឲ្យកុមារធ្វើលំហាត់ប្រាណផ្នែករាងកាយឲ្យបានច្រើនជាងធម្មតា ដើម្បីកាត់បន្ថយទម្ងន់ដែលលើសរបស់ពួកគេ និងដើម្បីកាត់បន្ថយអត្រាប្រឈមនឹងជំងឺហឺត។