បុរសវ័យចំណាស់កើតជំងឺភ្លេចភ្លាំង
ការរកឃើញថ្មីនេះ គឺចេញពីការសិក្សារបស់អាមេរិក លើមនុស្ស១៤៥០នាក់ ដែលមានអាយុពី ៧០ ទៅ៨៩ឆ្នាំ ដែលមិនធ្លាប់កើតជំងឺសរសៃប្រសាទ ។ រយៈពេល១៥ខែ នៃការធ្វើតេស្ដន៍ការចងចាំ បានបង្ហាញថាមនុស្ស ២៩៦នាក់ បានវិវឌ្ឍទៅរកជំងឹភ្លេចភ្លាំងច្រើន។
ការសិក្សានេះក៏បានរកឃើញដែរថា ករណីថ្មីៗនៃជំងឺសរសៃប្រសាទជារៀងរាល់ឆ្នាំ គឺភាគច្រើនជាបុរស។ ជាសរុបរួម គឺបុរសមាន៧២ករណី ក្នុងចំណោមបុរស១០០០នាក់ ខណៈដែលស្រ្ដីមានតែ ៥៧ករណីប៉ុណ្ណោះក្នុងចំណោមស្រ្ដី១០០០នាក់។
ក្រៅពីនេះ គេក៏បានរកឃើញដែរថា អ្នកដែលបានរៀនសូត្រតិចតួច ឬអ្នកដែលមិនធ្លាប់រៀបការ ក៏ប្រឈមនឹងការភ្លេចភ្លាំងច្រើនផងដែរ។
លោកវេជ្ជបណ្ឌិត Rosebud Roberts ដែលជាអ្នកដឹកនាំការស្រាវជ្រាវនេះ បាននិយាយថា លទ្ធផលនេះគឺពិតជាគួរឲ្យភ្ញាក់ផ្អើលខ្លាំងណាស់ ដោយសារតែភាគច្រើនគិតថា ស្រ្ដីមានអត្រាកើតជំងឺរវើរវាយច្រើនជាងបុរស។