 |
| អាហារដែលមានជាតិធាត់ខ្ពស់ |
ការសិក្សាដែលដឹកនាំដោយលោក Michael Schwartz នេះ បានធ្វើការប្រៀបធៀបផលប៉ះពាល់នៃអាហារដែលមានជាតិខ្លាញ់ ទៅលើខួរក្បាល។ រយៈពេល២៤ម៉ោងនៃការធ្វើពិសោធន៍ លទ្ធផលបានបង្ហាញថា មានផ្នែក ឬតំបន់ខ្លះនៃខួរក្បាល ដែលមានឈ្មោះថា hypothalamus បានទទួលរងរបួស។
យោងតាមលោក Joshua Thaler ដែលជាអ្នកស្រាវជ្រាវក្នុងក្រុមនេះដែរនោះ បានឲ្យយើងដឹងថា ភាពធាត់ជ្រុល ក៏អាចមានភាពទាក់ទងនឹងសមត្ថភាពខួរក្បាលផងដែរ។ ដូច្នេះចូរកុំព្យាយាមញ៉ាំអាហារដែលមានជាតិខ្លាញ់ខ្លាំង ញឹកញាប់ពេកអី ដោយសារតែវាមិនមានអ្វីល្អសម្រាប់សុខភាពយើងនោះទេ។
អាហារដែលមានជាតិខ្លាញ់ខ្ពស់ ភាគច្រើនជាអាហារលឿន (fast food)។ អាហារលឿនទាំងនោះបានបង្កឲ្យមានមនុស្សធាត់ជាច្រើននៅលើពិភពលោក ដែលកម្ពុជាយើងក៏អាចដើរតាមគន្លងនេះផងដែរ ដោយសារប្រជាជននៅទីក្រុងកំពុងមានទំនោរទៅរកអាហារបែបនេះ។ តម្លៃក៏ថ្លៃ ផលប៉ះពាល់ក៏ច្រើន ដូច្នេះបើអាចកាត់បន្ថយ គួរតែកាត់បន្ថយ ដើម្បីសុខភាពរបស់យើង។
លទ្ធផលនៃការស្រាវជ្រាវនេះ ត្រូវបានបោះពុម្ភផ្សាយក្នុងព្រឹតិ្តបត្រ Journal of Clinical Investigation។