សាច់
រយៈពេលសិក្សាស្រាវជ្រាវជាង ២០ឆ្នាំ បានបង្ហាញថា មនុស្សប្រុស ១៤០០នាក់ និងស្រ្ដី ២៦០០នាក់ បានកើតជំងឺស្រ្ដូក (ជំងឺដាច់សរសៃឈាមក្នុងខួរក្បាល)។
ជំងឺស្រ្ដូក ដែលជាជំងឺម្យ៉ាងដែលកើតឡើងនៅពេលដែលឈាមឈប់ហូរទៅកាន់ខួរក្បាល គឺជាជំងឺដ៏សាហាវទីបីនៅលើលោក ដែលបានសម្លាប់មនុស្សអស់ជាច្រើននាក់ ជាពិសេសគឺនៅសហរដ្ឋអាមេរិក។ មនុស្ស៦២នាក់ ក្នុងចំណោម១០០០នាក់ នៅក្នុងសហរដ្ឋអាមេរិក សុទ្ធតែធ្លាប់ជួបប្រទះនឹងជំងឺនេះ ហើយមនុស្សប្រមាណ៨០ម៉ឺននាក់ បានបាត់បង់ជីវិតដោយសារតែវាជារៀងរាល់ឆ្នាំ។
ដើម្បីរកមូលហេតុនៃការកើតជំងឺស្រ្ដូក ក្រុមអ្នកស្រាវជ្រាវបានធ្វើការពិនិត្យមើលលើរបបអាហាររបស់អ្នក ចូលរួមស្រាវជ្រាវទាំងនោះ។ ជាលទ្ធផលបានបង្ហាញថា បុរសដែលទទួលទានសាច់ក្រហមពីរដងក្នុងមួយថ្ងៃ មានអត្រាហានីភ័យដល់ទៅ ២៨ភាគរយ បើប្រៀបធៀបជាមួយនឹងអ្នកញ៉ាំសាច់តិច។
ចំណែកឯស្រ្ដីដែលញ៉ាំសាច់ក្រហមក្នុងបរិមាណដូចគ្នានេះ ក៏មានការប្រឈមមុខនឹងជំងឺស្រ្ដូក ១៩ភាគរយផងដែរ បើធៀបជាមួយនឹងស្រ្ដីដែលមិនសូវញ៉ាំ។