អ្នក
ណាៗក៏ដឹងដែរថា
ការហាត់ប្រាណពិតជាមានប្រយោជន៍ចំពោះសុខភាពរាងកាយ
និងផ្លូវចិត្ត ប៉ុន្ដែពេលនេះក្រុមអ្នកជំនាញបានរកឃើញថា
ការហាត់ប្រាណជាប្រចាំក៏ជួយជំនួយដល់ខួរក្បាលផងដែរ។លទ្ធផលនៃការស្រាវជ្រាវកាលពីគ្រាមុន បានបង្ហាញថា ការហាត់ប្រាណអាចជួយបង្កើនថាមពលដល់រាងកាយដោយសារតែវាបាន បង្កើតនូវរចនាសម្ព័ន្ធថ្មីក្នុងកោសិកាដែលផលិតថាមពលក្នុងសាច់ ដុំ។ ដំណើរការនេះ ជួយឲ្យរាងកាយមាំមួន និងជៀសផុតពីហានីភ័យនៃការធាត់លើសទម្ងន់។
ចំណែកឯការស្រាវជ្រាវថ្មីដែលធ្វើឡើងដោយក្រុមអ្នកស្រាវជ្រាវមក ពីសាកលវិទ្យាល័យ South Carolina នេះវិញ បានរកឃើញបន្ថែមទៀតនូវអត្ថប្រយោជន៍នៃការហាត់ប្រាណជាប្រចាំ ពោលគឺជួយបង្កើននូវសមត្ថភាពរបស់ខួរក្បាល។
លោកវេជ្ជបណ្ឌិត Mark Davis ដែលបានដឹកនាំការស្រាវជ្រាវនេះ បានថ្លែងថា ការហាត់ប្រាណជួយជម្រុញថាមពលក្នុងរាងកាយ ហើយថាមពលនេះហើយ ដែលជួយដល់ខួរក្បាលឲ្យដំណើរការបានលឿន និងមានប្រសិទ្ធភាព។ មិនត្រឹមតែប៉ុណ្ណោះទេ ការហាត់ប្រាណ ក៏នឹងជួយធ្វើឲ្យខួរក្បាលក្មេងជាងអាយុផងដែរ។
លោកវេជ្ជបណ្ឌិតដដែលបានបន្តទៀតថា ការហាត់ប្រាណ ៣០នាទីក្នុងមួយថ្ងៃ គឺពិតជាល្អសម្រាប់យើងគ្រប់គ្នា ដូច្នេះចូរងាកមកឆ្លៀតពេលហាត់ប្រាណឲ្យបានជាប្រចាំ ដើម្បីសុខភាពល្អ ជាពិសេសថ្ងៃស្អែកនេះ គឺជាថ្ងៃចុងសប្ដាហ៍ហើយ ដែលយើងអាចមានពេលច្រើនដើម្បីហាត់ប្រាណ។