ប្ដីប្រពន្ធដែលជួបបញ្ហាសិច
នៅពេលដែលមនុស្សឈឺក្បាល នោះនឹងបណ្ដាលឲ្យពួកគេមានអារម្មណ៍ធុញទ្រាន់ តប់ប្រម៉ល់ ដែលទាំងអស់នេះ គឺសុទ្ធសឹងតែទាក់ទងទៅនឹងជីវិតសិចរបស់ពួកគេ ដូចជាការគ្មានចំណង់ផ្លូវភេទជាដើម។
ក្រុមអ្នកស្រាវជ្រាវមកពីសាកលវិទ្យាល័យ Pavia ក្នុងប្រទេសអ៊ីតាលី បានបញ្ជាក់ថា ស្រ្ដីដែលជួបនឹងបញ្ហាឈឺក្បាលញឹកញាប់ គឺមានអត្រានៃអារម្មណ៍សិចទាប។ ទោះបីជាយ៉ាងណាក្ដី ការសិក្សានេះ ធ្វើឡើងតែចំពោះស្រ្ដីតែប៉ុណ្ណោះ ពោលគឺធ្វើឡើងចំពោះស្រ្ដី ១០០នាក់ ដែលមានអាយុជាមធ្យម ៤០ឆ្នាំ ដូច្នេះលទ្ធផលនេះទាក់ទងនឹងបុរសដែរឬយ៉ាងណានៅមិនទាន់ដឹងនោះទេ ។
ក្រោយពីស្រ្ដីដែលចូលរួមទាំងនោះ បំពេញនូវបញ្ជីសំនួរទាក់ទងនឹងជីវិតសិចរបស់ពួកគេរួចមក លទ្ធផលបានបង្ហាញថា ៩១ភាគរយ បានឆ្លើយថាពួកគេជួបនឹងបញ្ហាសិចធ្លាក់ចុះ ខណៈដែលពួកគេភាគច្រើន គឺជាអ្នកដែលជួបនឹងការឈឺក្បាលជាប្រចាំ។
គួរបញ្ជក់ផងដែរថា ការឈឺក្បាល គឺជាជំងឺដែលមនុស្សស្ទើគ្រប់គ្នាធ្លាប់ជួបប្រទះ ប៉ុន្ដែវាក៏មិនមែនជាជំងឺសាហាវនោះដែរ ប្រសិនបើយើងមិនកើតវាជាប្រចាំ។ ការស្រាវជ្រាវខាងលើនេះ គឺដើម្បីដឹងពីទំនាក់ទំនងរវាងការឈឺក្បាល និងបញ្ហាសុខភាពផ្លូវភេទ ដែលក្រុមអ្នកស្រាវជ្រាវធ្វើឡើងដើម្បីរកវិធីកែកុនបញ្ហាទាំងនេះ ។