ក្រុម
អ្នកស្រាវជ្រាវរបស់អាមេរិក បានធ្វើការព្រមានថា ថ្នាំងងុយគេង
ដែលត្រូវបាន
និងកំពុងតែបើប្រាស់ដោយមនុស្សរាប់លាននាក់នៅទូទាំងពិភពលោក
នឹងអាចធ្វើឲ្យមនុស្សប្រឈមមុខនឹងហានីភ័យនៃការស្លាប់មុនអាយុ
ដល់ទៅ៥ដង លើសអ្នកមិនប្រើប្រាស់។ប្រសិនបើអ្នកប្រើវាកាន់ តែច្រើន នោះហានីភ័យក៏កាន់តែខ្ពស់ ដោយសារតែអ្នកដែលប្រើច្រើន ត្រូវប្រឈមមុខនឹងជំងឺមហារីក។ ប៉ុន្ដែទោះបីជាយ៉ាងណាក្ដី ការលេបតិចជាង១៨គ្រាប់ ក្នុងមួយឆ្នាំ ក៏មិនអាចគេចផុតពីការស្លាប់មុនអាយុនោះដែរ។
ការសិក្សានេះបានរកឃើញថា ការលេបថ្នាំងងុយគេងច្រើន នឹងបង្កើនហានីភ័យនៃការស្លាប់មុនអាយុ ៣,៦ដង លើសអ្នកដែលមិនលេប។
កាន់ តែគ្រោះថ្នាក់ជាងនេះទៀត អ្នកដែលលេបពី ១៨ គ្រាប់ ដល់ ១៣២គ្រាប់ក្នុងមួយឆ្នាំ នឹងបង្កើនហានីភ័យដល់ទៅ ៤,៤ដង ខណៈដែលអ្នកដែលលេបលើសពី ១៣២គ្រាប់ នឹងមានហានីភ័យនៃការស្លាប់មុនអាយុ ៥,៣ដងលើសអ្នកដែលមិនលេបសោះ។
មិនត្រឹមតែប៉ុណ្ណោះទេ អ្នកដែលលេបថ្នាំងងុយគេង ក៏នឹងប្រឈមមុខនឹងជំងឺមហារីកដល់ទៅ ៣៥ភាគរយ លើសអ្នកមិនលេបផងដែរ។
គួរបញ្ជាក់ផងដែរថា ផលប៉ះពាល់នៃការលេបថ្នាំងងុយគេង គឺមានច្រើនបំផុតចំពោះ អ្នកដែលមានអាយុពី ១៨ឆ្នាំ ដល់ ៥៥ឆ្នាំ។