អ្នកដែលចូលចិត្តកាហ្វេ ពិតជារីករាយនៅពេលបានឃើញនូវរបកគំហើញថ្មីនេះ។ ការសិក្សាថ្មីមួយដែលបានបោះពុម្ភផ្សាយក្នុង American Journal of Clinical Nutrition បានបង្ហាញថា អ្នកញ៉ាំកាហ្វេជាប្រចាំ មិនមានការកើនឡើងនូវហានីភ័យនៃជំងឺផ្សេងៗនោះទេ ដូចជាជំងឺបេះដូង និងជំងឺមហារីកជាដើម។ មិនត្រឹមតែប៉ុណ្ណោះទេ កាហ្វេក៏នឹងជួយកាត់បន្ថយនូវហានីភ័យនៃជំងឺទឹកនោមផ្អែមប្រភេទ២ ផងដែរ បើធៀបជាមួយនឹងអ្នកមិនញ៉ាំកាហ្វេនោះ។
លោក Anna Floegel ដែលជាអ្នកស្រាវជ្រាវម្នាក់មកពីអាល្លឺម៉ង់ បានអះអាងថា ការញ៉ាំកាហ្វេមិនបានបង្កផលប៉ះពាល់ចំពោះសុខភាពមនុស្សពេញវ័យនោះ ទេ។
ដើម្បីចេញជាលទ្ធផលនេះ ក្រុមអ្នកស្រាវជ្រាវបានធ្វើការសិក្សាទៅលើមនុស្សចំនួនជាង ៤ម៉ឺននាក់ ដែលចំនួនប៉ុណ្ណេះ គឺជាការសិក្សាមួយដ៏ធំ ដែលអាចទុកចិត្តបាន។
ក្នុងរយៈពេលស្ទើតែ ៩ឆ្នាំ ក្រុមអ្នកស្រាវជ្រាវបានរកឃើញថា មនុស្សដែលញ៉ាំកាហ្វេចាប់ពីបួនពែងឡើងទៅក្នុងមួយថ្ងៃ នឹងមិនមានហានីភ័យនៃជំងឺធំៗនោះទេ ផ្ទុយពីអ្នកដែលមិនញ៉ាំ ឬញ៉ាំតិចជាង១ពែងក្នុងមួយថ្ងៃ។ មួយវិញទៀត អ្នកញ៉ាំកាហ្វេ ក៏បានថយចុះនូវគ្រោះថ្នាក់នៃជំងឺទឹកនោមផ្អែមប្រភេទ២ បាន ២៣ភាគរយផងដែរ។
http://www.khmersarika.com/healthbeauty/general-health/3859-2012-03-06-06-30-24.html