ប្រសិន បើអ្នកបានរៀនរូបវិទ្យាពីវិទ្យាល័យ ឬសាកលវិទ្យាល័យនោះ អ្នកប្រាកដជាអាចចាំបានូវទ្រឹស្តីមួយរបស់វីរបុរសវិទ្យាសាស្ត្រមួយ រួប គឺលោក អាលប៊ឺត អាញស្តាញ(Albert Einstein) គឺទ្រឹស្តីបទទំនាក់ទំនង (Relativity Theory) ដែលបានលើកឡើងថា នៅក្នុងលោកយើងនេះ គ្មានវត្ថុណាដែលមានល្បឿនលឿនជាងពន្លឺនោះទេ។ ហើយបើយោងទៅតាមទ្រឹស្តីនេះ យើងមិនអាចត្រឡប់ទៅពេលវេលាអតីតកាលបាននោះទេ។
ប៉ុន្តែ ពេលនេះអ្វីៗអាចនឹងក្រឡាប់ចាក់ដោយសាររបកគំហើញថ្មីមួយរបស់ក្រុម អ្នកវិទ្យាសាស្ត្រអ៊ឺរ៉ុបមួយក្រុមដែលមានសមាជិកប្រមាណ២០០នាក់ដែល មានឈ្មោះថា OPERA( Oscillation Project with Emulsion Tracking Apparatus)។ ក្រុមអ្នកវិទ្យាសាស្ត្រនេះបានលើកឡើងថា តាមការសិក្សាស្រាវជ្រាវជំហ៊ានដំបូង គេបានរកឃើញវត្ថុមួយដែលមានល្បឿនលឿនជាងពន្លឺ ៦០ណាណូវិនាទី(១ណាណូវិនាទី= ១០-៩វិនាទី) ដែលគេឲ្យុឈ្មោះវត្ថុនោះថាណឺទ្រីណូ(Neutrino)។ ណឺទ្រីណូគឺជាអនុអាតូម(Subatomic)ម្យ៉ាងដែលមានម៉ាសតូច និងគ្មានបន្ទុកអគ្គិសនី ហើយត្រូវបានគេចាត់ទុកថាជាកំទេចខ្មោច(Ghost Particle)។ ការលើកឡើងពីរបកគំហើញមួយនេះ បានធ្វើឲ្យុមានការចាប់អារម្មណ៍យ៉ាងខ្លាំងពីបណ្តារអ្នក វិទ្យាសាស្ត្រ សារព័ត៌មាន និងនៅលើប្រព័ន្ធអ៊ីនធឺណិត។ មិនតែប៉ុណ្ណោះ មានការពិភាក្សារជាច្រើនបានលើកឡើងផងដែរអំពីលទ្ធផលការពិសោធន៍មួយនេះ ដែលមានអ្នកខ្លះមិនយល់ស្របដោយគេគិតថាវាមិនអាចទៅរួចនោះទេ និងអ្នកខ្លះយល់ស្របចំពោះលទ្ធផលនេះ។ ប្រសិនបើរបកគំហើញនេះពិតជាត្រឹមត្រូវមែននោះ ការបង្កើតម៉ាស៊ីនពេលវេលាប្រាកដជាអាចទៅរួចនាពេលអនាគតខាងមុខនេះ ដែលផ្ទុយនឹងទ្រឹស្តីរបស់អាញស្តាញ។ ក្រៅពីនេះ សៀវភៅរូបវិទ្យាទាំងអស់ត្រូវតែបោះពុម្ភសារជាថ្មីឡើងវិញ ដើម្បីកែតម្រូវនូវទ្រឹស្តីមួយរបស់អាញស្តាញ ដែលថាគ្មានវត្ថុណាមានល្បឿនលឿនជាងពន្លឺនោះឡើយ។
ប៉ុន្តែការរកឃើញនេះ គឺស្ថិតនៅក្នុងសភាពក្មេងខ្ចីនៅឡើយ ហើយក្រុមអ្នកវិទ្យាសាស្ត្រOPERA ក៏បានអំពាវនាវឲ្យុអ្នកវិទ្យាសាស្ត្រទាំងអស់ធ្វើការស្រាវជ្រាវ និងត្រួតពិនិត្យឡើងវិញនូវរបកគំហើញមួយនេះដើម្បីធ្វើការបញ្ចាក់ថា តើវាត្រឹមត្រូវដែរឬទេ។
ប្រិយមិត្តទាំងប្រាកដជាធ្លាប់បានមើលខ្សែភាពយន្តដែល មានឈុតឆាកផ្សេងៗដែលតួរអង្គអាចធ្វើដំណើរទៅអតីតកាល និងអនាគតកាលបាន។ ប្រសិនបើរបកគំហើញនេះពិតជាត្រឹមត្រូវមែននោះ អ្វីៗដែលមាននៅក្នុងខ្សែភាពយន្តនឹងក្លាយទៅជាការពិតមិនខាន។ តើប្រិយមិត្តគិតយ៉ាងណាដែរ ប្រសិនបើមានម៉ាស៊ីនពេវេលាមែននោះ តើវាផ្តល់ផលវិជ្ជមាន ឬអវិជ្ជមាន?