ផ្លែក្រូច និងទឹកក្រូច
ការស្រាវជ្រាវនេះ ត្រូវបានធ្វើឡើងចំពោះស្រ្ដីរាប់ពាន់នាក់នៅសហរដ្ឋអាមេរិក ប៉ុន្ដែក្រុមអ្នកជំនាញបានជឿជាក់ថា ផលប្រយោជន៍នៃ គឺមានទាំងបុរស និងស្រ្ដី។
ដូចដែលលោកអ្នកបានដឹងរួចមកហើយថា ជំងឺស្រ្ដូក គឺជាជំងឺមួយក្នុងចំណោមជំងឺសាហាវៗនៅក្នុងលោក ដែលបានផ្ដាច់យកសង្ខារមនុស្សអស់រាប់លាននាក់ក្នុងមួយឆ្នាំៗ។
ក្រុមអ្នកស្រាវជ្រាវដែលមកពីសាកលវិទ្យាល័យ East Anglia បានធ្វើការស៊ើបអង្កេតលើប្រសិទ្ធិភាពនៃការការពារដោយជាតិប្រឆាំង អុកស៊ីតកម្ម ដែលមាននៅក្នុងផ្លែឈើ បន្លែ សូកូឡា និងស្រាក្រហម។
ជាលទ្ធផលបានបង្ហាញថា ស្រ្ដីដែលញ៉ាំផ្លែឈើដែលមានជាតិប្រឆាំងអុកស៊ីតកម្មខ្ពស់ នឹងអាចកាត់បន្ថយហានីភ័យនៃ ជំងឺស្រ្ដូកបានដល់ទៅ ១៩ភាគរយ លើសស្រ្ដីដែលមិនសូវទទួលបានជាតិប្រឆាំងអុកស៊ីតកម្មខ្ពស់។
កម្រិតជាតិប្រឆាំងអុកស៊ីតកម្មដែលខ្ពស់បំផុត គឺប្រហែល ៤៥មីលីក្រាមក្នុងមួយថ្ងៃ។ ការញ៉ាំទឹកក្រូចមួយកែវ អាចផ្ដល់ឲ្យអ្នកនូវសារធាតុនេះ ពី ២០ ទៅ៥០មីលីក្រាម។
នៅក្នុងការសិក្សាស្រាវជ្រាវដដែលនេះ បានបង្ហាញថា ផ្លែក្រូច និងផ្លែទំពាំងបាយជូរ គឺជាប្រភពនៃសារធាតុប្រឆាំងអុកស៊ីតកម្ម ដោយក្នុងនោះ ៨២ភាគរយក្នុងផ្លែក្រូច និង១៤ភាគរយក្នុងផ្លែទំពាំងបាយជូរ។