ញ៉ាំសូកូឡា
មិនត្រឹមតែបន្ថែមរសជាតិសម្រាប់អណ្ដាតលោកអ្នកនោះទេ ប៉ុន្ដែវាក៏
មានផលប្រយោជន៍សម្រាប់សុខភាពបេះដូងរបស់អ្នកផងដែរ
ដោយសារតែវាអាចកាត់បន្ថយសម្ពាធឈាម
ដែលនេះបើយោងតាមការសិក្សាថ្មីមួយលើមនុស្សជាង ១ពាន់នាក់។
ការសិក្សាថ្មីនេះ
គឺជាការរួមបញ្ចូលគ្នារវាងការសិក្សាចាស់ៗចំនួន ៤២ផ្សេងគ្នា
នៅសហរដ្ឋអាមេរិក។ លទ្ធផលនៃការស្រាវជ្រាវនេះ បានបង្ហាញថា សូកូឡា
ពិតជាល្អសម្រាប់បេះដូងរបស់យើង។
ការសិក្សាចាស់ៗ ក៏បានបង្ហាញលទ្ធផលស្រដៀងគ្នានេះដែរ
ពោលគឺអ្នកដែលចូលចិត្តសូកូឡា មានអត្រាជំងឺបេះដូងធ្លាក់ចុះ
ហើយជំងឺលើសឈាមក៏ថយចុះនោះដែរ។
លោក Lee Hooper មកពីចក្រភពអង់គ្លេស
ដែលជាអ្នកដឹកនាំការស្រាវជ្រាវនេះ បានលើកឡើងថា
អ្នកដែលចូលចិត្តញ៉ាំសូកូឡាខ្មៅ
ប្រហែលជាមានគុណសម្បតិ្តចំពោះបេះដូង។
យ៉ាងណាមិញ លោក Hooper បានបញ្ជាក់ថា ភស្ដុតាងនៃការសិក្សានេះ
ហាក់បីដូចជាមិនទាន់ច្បាស់គ្រប់គ្រាន់នោះទេ
ដូច្នេះចាំបាច់ត្រូវមានការសិក្សាផ្សេងទៀត។
ក្រៅពីជំនួយដល់បេះដូង សូកូឡានៅមានគុណសម្បត្តិ
និងគុណវិបត្តិផ្សេងទៀត ដែលខ្មែរសារិកា
នឹងនាំមកជូនលោកអ្នកនៅពេលក្រោយ។