មានបេក្ខជន៤នាក់អង្គុយជាជួរ ដើម្បីចូលរួមប្រកួតប្រជែងឆ្លើយពាក្យបណ្តៅយករង្វាន់។
-អ្នកអង្គុយនៅខាងមុខគេគឺពាក់មួកពណ៌ក្រហម
-អ្នកទីពីរបន្ទាប់ពីអ្នកអង្គុយខាងមុខគឺពាក់មួកពណ៌ខៀវ
-អ្នកទីបីរាប់ពីមុខមកគឺពាក់មួកពណ៌ក្រហម
-អ្នកដែលអង្គុយក្រោយគេបង្អស់គឺពាក់មួកពណ៌ខៀវហើយត្រូវបានគេចងបិទភ្នែកមិនឲ្យមើលឃើញ
អ្នកចូលរួមម្នាក់ៗត្រូវបានគេប្រាប់ឲ្យដឹងថា
ពួកគេទាំងអស់សុទ្ធតែកំពុងតែពាក់មួកម្នាក់មួយ
ហើយអ្នកចុងក្រោយត្រូវបានគេបិទភ្នែកជិត។
គេក៏បានប្រាប់ទៅបេក្ខជនចូលរួមបន្ថែមទៀតថា
មួកទាំងអស់មានចំនួន៤ ដែលក្នុងនោះមានក្រហម២ និងខៀវ២។
ប្រសិនបើនរណាម្នាក់អាចទស្សន៍ទាយពណ៌មួកដែលខ្លួនឯងកំពុងតែពាក់
ត្រូវ អ្នកនោះគឺជាអ្នកឈ្នះ។
សភាពស្ងប់ស្ងាត់បានប្រព្រឺត្តទៅអស់រយៈពេលយ៉ាងយូរ
ប៉ុន្តែក្រោយមកមានបេក្ខជនម្នាក់បានទស្សន៍ទាយពណ៌មួកដែលខ្លួនកំពុង
តែពាក់ត្រូវ។ តើបេក្ខជននោះជាបេក្ខជនមួយណា?
បញ្ចាក់៖
បេក្ខជនទាំងអស់អាចមើលឃើញតែមនុស្សដែលអង្គុយនៅពីមុខគេតែប៉ុណ្ណោះ
ហើយពួកគេមិនអាចបែរក្រោយដើម្បីពិនិត្យមើលបេក្ខជនដែលនៅពីក្រោយគេ
ឡើយ។
ចំលើយ
បេក្ខជនទី២គឺជាអ្នកដែលឆ្លើយសំណួរបានត្រឹមត្រូវ។ បេក្ខជនទី១
និងទី៤គឺមិនអាចមើលឃើញបេក្ខជនដ៏ទៃទេដោយសារតែបេក្ខជនទីមួយអង្គុយ
នៅមុខគេ និងបេក្ខជនទី៤ត្រូវបានគេបិទភ្នែកជិត។ ហេតុដូច្នេះហើយ
គឺមានតែបេក្ខជនទី២
និងទី៣ប៉ុណ្ណោះដែលមានឱកាសឆ្លើយបានត្រឹមត្រូវ។
បេក្ខជនទី២យល់ឃើញថា ប្រសិនបើគេ
និងបេក្ខជនទី១ពាក់មួកពណ៌ដូចគ្នានោះ
បេក្ខជនទី៣នឹងធ្វើការឆ្លើយពណ៌មួកដែលគេកំពុងតែពាក់បានភ្លាម
ជាមិនខានដោយមិនមានការគិតយូរនោះទេ។
តែដោយសារតែសភាពស្ងៀមស្ងាត់បានប្រព្រឹត្តទៅយ៉ាងយូរ
បេក្ខជនទី២គិតឃើញថា នេះបណ្តាលមកពីពណ៌មួករបស់គេ
និងពណ៌មួករបស់បេក្ខជនទី១គឺប្រាកដជាខុសគ្នា។