ស្រា​ក្រហម​ជួយ​សម្រក​ទម្ងន់​!

ស្រាក្រហម

ការ ​ស្រាវ​ជ្រាវ​ថ្មីមួយ​ បាន​បង្ហាញ​ពី​អត្ថ​ប្រយោជន៍​ថ្មី​នៃ​ក្រហម ពោល​គឺ​សារធាតុ​ដែល​រក​ឃើញ​នៅ​ក្នុង​ស្រា​ក្រហម អាច​ជួយ​ប្រយុទ្ធ​ប្រឆាំង​នឹង​​ការ​ធាត់​លើស​ទម្ងន់​បាន​។

សារធាតុ​ដែល​ត្រូវ​បាន​គេ​ហៅ​ថា peceatannol ដែល​មាន​នៅ​ក្នុង​ស្រា​ក្រហម អាច​ជួយ​ពន្យាការ​កើត​ឡើង​នៃ​​កោសិកា​​ភាព​ធាត់់ ហើយ​ក៏​នឹង​ជួយ​ការពារ​មិន​ឲ្យ​កោសិកា​ទាំង​នោះ​រីក​ធំ​ពេញ​វ័យ​ផង​ដែរ​។ មិន​ត្រឹម​តែ​ប៉ុណ្ណោះ​ទេ ស្រា​ក្រហម​ក៏​នឹង​អាច​ជួយ​ការពារ​រាង​កាយ​ពី​ជំងឺ​បេះ​ដូង និង​ជំងឺមហារីក​បាន​នោះ​ដែរ​។
ការ​ស្រាវ​ជ្រាវ​ថ្មី​នេះ ត្រូវ​បាន​ធ្វើ​ឡើង​ដោយ​សាកលវិទ្យាល័យ Purdue University នៅ​រដ្ឋ Indiana សហរដ្ឋ​អាមេរិក​។ អ្នក​ដឹក​នាំ​ការ​ស្រាវ​​ជ្រាវ​គឺ​លោក​វេជ្ជ​បណ្ឌិត Kee-Hong Kim បាន​បញ្ជាក់​ថា សារធាតុ piceatannol ពិត​ជា​អាច​ទប់​ទល់​នឹង​ការ​ធាត់​លើ​សទម្ងន់​បាន​យ៉ាង​ប្រាកដ​ ដោយ​សារ​តែ​កោសិកា​នៃ​ការ​ធាត់ មិន​អាច​រីក​លូត​លាស់​បាន​។
ក្រៅពី​មាន​ក្នុង​ស្រា​ក្រហម សារធាតុ​ស្រដៀង​គ្នា​នេះ ក៏​ត្រូវ​បាន​គេ​រក​ឃើញ​​នៅ​ក្នុង​ផ្លែ​ទំពាំង​បាយជូរ ផ្លែ​ប៊្លូប៊ើ​រី និង​ផ្លែ​ផាស់​សិន ផង​ដែរ​។
ការ​ស្រាវ​ជ្រាវ​នេះ​ ត្រូវបាន​បោះ​ពុម្ភ​ផ្សាយ​ក្នុង​ព្រឹត្តប័ត្រ Journal of Biological Chemistry។
ប្រភព៖ Telegraph