នេះគឺជាការស្រាវជ្រាវមួយដ៏ធំ ព្រោះដើម្បីចេញជាលទ្ធផលនេះ អ្នកស្រី Boehm រួមនឹងសហសេវិករបស់គាត់ បានធ្វើការវិភាគលើការសិក្សាចំនួន២០០ ដែលធ្វើនាពេលកន្លងមក។
ហេតុផលដែលគាំទ្រដល់លទ្ធផលនៃការស្រាវជ្រាវនេះ គឺនៅពេលដែលមនុស្សមានអារម្មណ៍រីករាយ និងមានសុទិដ្ឋិនិយម គឺពួកគេនឹងធ្វើរឿងដែលល្អចំពោះសុខភាពពួកគេ ដូចជាចំណាយពេលហាត់ប្រាណ ញ៉ាំអាហារល្អៗ និងគេងលក់បានគ្រប់គ្រាន់ ផ្ទុយពីអ្នកដែលមិនសប្បាយចិត្ត ដែលគ្មានអារម្មណ៍ធ្វើរឿងទាំងអស់នេះឡើយ។
គួរបញ្ជាក់ផងដែរថា ជំងឺបេះដូង គឺជាឃាតករមួយដ៏សាហាវ ដែលបានផ្ដាច់យកជីវិតមនុស្សអស់រាប់លាននាក់នៅទូទាំងពិភពលោក ដែលក្នុងនោះ គ្រាន់តែសហរដ្ឋអាមេរិកមួយ មានអ្នកស្លាប់ដោយសារជំងឺបេះដូងដល់ទៅ ២៥ភាគរយក្នុងចំណោមអ្នកស្លាប់ទាំងអស់ ពោលគឺក្នុងចំណោមអ្នកស្លាប់បួននាក់ មានម្នាក់ហើយ ដែលស្លាប់ដោយសារជំងឺបេះដូង។