អ្នក
ណាៗក៏មិនចង់មានក្លិនខ្លួនមិនល្អនោះដែរ
ប៉ុន្ដែពេលខ្លះក្លិនមិនល្អ
នៅតែអាចកើតមានលើខ្លួនយើងទាំងមិនដឹងខ្លួនក៏មាននោះដែរ។
តើកត្តាអ្វីខ្លះដែលធ្វើឲ្យដងខ្លួនមានក្លិនមិនល្អ?
ក្រៅពីកត្តាអនាម័យ អាហារដែលយើងទទួលទានរាល់ថ្ងៃ
ក៏ជាកត្តាមួយដ៏ចម្បងដែលបង្កជាក្លិនមិនល្អនោះដែរ។
ខាងក្រោមនេះជាអាហារ៤ប្រភេទ ដែលធ្វើឲ្យយើងមានក្លិនមិនល្អ៖១- ខ្ទឹមស
ក្រៅពីផ្ដល់ប្រយោជន៍ដល់សុខភាព ខ្ទឹមបារាំងក៏អាចធ្វើឲ្យយើងមានក្លិនមិនល្អនោះដែរ។ ក្លិនដ៏ខ្លាំងរបស់ខ្ទឹមបារាំង អាចធ្វើឲ្យយើងមានខ្យល់ដកដង្ហើមមិនល្អ ហើយក៏អាចបង្កជាក្លិនលើដងខ្លួនទាំងមូលផងដែរ ហើយក្លិននោះអាចស្ថិតនៅជាប់នឹងខ្លួនរហូតដល់ទៅ ៧២ម៉ោងឯណោះ។ យ៉ាងណាមិញ អ្នកមិនចាំបាច់ តមមិនញ៉ាំខ្ទឹមបារាំងនោះដែរ ដោយសារតែវាជាឱសថធម្មជាតិមួយដ៏ស័ក្ដសិទ្ធិផងដែរ ដោយគ្រាន់តែជៀសវាងញ៉ាំនៅមុនពេលចូលរួមកម្មវិធីជាសាធារណៈជាការ ប្រសើរបំផុត។
២- ខ្ទឹមបារាំង
ខ្ទឹមបារាំងស្ថិតនៅលំដាប់ទីពីរក្នុងបញ្ជីអាហារក្លិនមិនល្អ។ ក្រៅពីសម្បូរទៅដោយហ្វៃប៊ើ និងអាចបញ្ចុះសម្ពាធឈាមយ៉ាងប្រសើរនោះ ខ្ទឹមបារាំង អាចធ្វើឲ្យខ្លួន និងខ្យល់ដកដង្ហើមមានក្លិនមិនល្អ មិនខុសពីខ្ទឹមសប៉ុន្មាននោះទេ។ ប្រសិនបើចង់កាត់បន្ថយក្លិន អ្នកគួរញ៉ាំខ្ទឹមបារាំងដែលចម្អិនឆ្អិន ព្រោះវាមិនមានក្លិនខ្លាំងដូចខ្ទឹមបារាំងឆៅនោះទេ។
៣- គ្រឿងស្រវឹង
មិនខុសពីខ្ទឹមស និងខ្ទឹមបារាំងនោះទេ គ្រឿងស្រវឹង ក៏បង្កឲ្យយើងមានក្លិនមិនល្អនោះដែរ។ ទោះបីជាអ្នក ប្រើស្ករកៅស៊ូដែលមានជាតិជីអង្កាម ឬទឹកខ្ពុលមាត់ក៏ដោយ ក៏នៅតែមិនអាចលុបបំបាត់ក្លិនរបស់វាបានទាំងស្រុងនោះដែរ។ ក្រៅពីក្លិនមាត់ វាក៏បង្កជាក្លិនពេញទាំងខ្លួនយើងនោះដែរ។
៤- ផ្លែទុរ៉េន
ក្រៅពីមានឱជារសឆ្ងាញ់ពិសារ ផ្លែទុរ៉េនដែលជាទីពេញនិយមរបស់ប្រជាជនខ្មែរយើងនោះ ក៏ជាផ្លែឈើដែលមានក្លិនមិនល្អនោះដែរ។ ក្លិនដ៏ខ្លាំងនៃផ្លែទុរ៉េន ក៏មិនខុសពីក្លិនរបស់ខ្ទឹមស ខ្ទឹមបារាំង និងគ្រឿងស្រវឹងនោះដែរ ពោលគឺបង្កឲ្យមាត់ និងខ្លួនរបស់យើង មានក្លិនមិនល្អ។