 |
| អ្នកដែលចំណាយពេលធ្វើអ្វីផ្សេង ពេលម៉ោងគេង |
ជាលទ្ធផលបានបង្ហាញថា អ្នកដែលគេងមិនគ្រប់គ្រាន់ ឬចូលគេងមិនត្រូវពេល (ធ្វើការពេលយប់ គេងពេលថ្ងៃ) បានកើនទម្ងន់ និងកើននូវហានីភ័យនៃជំងឺទឹកនោមផ្អែម។ មូលហេតុដែលបណ្ដាលឲ្យបែបនេះ ត្រូវបានក្រុមអ្នកស្រាវជ្រាវបញ្ជាក់ថា ការថយចុះនូវអត្រាមេតាបូលិច នឹងបណ្ដាលឲ្យកើនទម្ងន់ ខណៈដែលការកើនឡើងនូវគ្លុយកូស និងការមានអ៊ីនសូលីនខ្សោយ នឹងអាចនាំឲ្យកើតទឹកនោមផ្អែម។
លោក Orfeu Buxton ដែលជាអ្នកដឹកនាំការស្រាវជ្រាវនេះ បានថ្លែងថា លទ្ធផលនៃការស្រាវជ្រាវនេះ គឺស្របទៅនឹងការសិក្សាផ្សេងៗទៀតដែរ ពោលគឺអ្នកដែលធ្វើការពេលយប់ ហើយគេងពេលថ្ងៃ នឹងប្រឈមនឹងជំងឺទឹកនោមផ្អែមខ្ពស់ជាងអ្នកដែលគេងតាមម៉ោងធម្មតា។
លោក Buxton បានបន្ថែមទៀតថា ភស្ដុតាងដែលបានពីការស្រាវជ្រាវជាច្រើន គឺបានបង្ហាញយ៉ាងច្បាស់ហើយថា ការគេងគ្រប់គ្រាន់គឺពិតជាសំខាន់ណាស់ចំពោះសុខភាព ដូច្នេះយើងមិនគួរមើលរំលងនោះទេ។
ប្រភព៖ Xinhua, Huff Post